هاوڕێ عه‌بدوڵڵاى مه‌وله‌وى ساڵى 1332 له‌ بنه‌ماڵه‌یه‌كى كرێكاردا له‌ شارى بانه‌ له‌ دایك بوو. خه‌باتى سیاسى هه‌ر له‌ ده‌ورانى ده‌بیرستان ده‌ست پێكرد، له‌گه‌ڵ كۆمه‌ڵێك له‌ هاورێیانى هه‌سته‌یه‌كیان پێكهێنا و خه‌ریكى كارى وشیارى ده‌رانه‌ له‌ نێو كرێكاران و زه‌حمه‌تكێشاندا بوون. پایزى ساڵى 1352 له‌لایه‌ن ساواكه‌وه‌ گیراو بۆ ماوه‌ى 3 ساڵ له‌ زیندانى ئیسفه‌هاندا بوو. هاوڕێ عه‌بدوڵڵا یه‌كێك له‌ به‌ڕێوه‌به‌رانى مانگرتنى زیندانیانى سیاسى له‌ ساڵه‌كانى 1352-1353 له‌ زیندانى ئیسفه‌هاندا بوو. له‌ جه‌ره‌یانى راپه‌ڕینى شكۆدارى 1357دا یه‌كێك له‌ سیما هه‌ره‌ ناسراوه‌كانى خه‌باتى كۆمه‌ڵانى خه‌ڵكى ئێران بوو. له‌ ساڵى 1358 بوو به‌ ئه‌ندامى كۆمه‌ڵه‌ و له‌ ماوه‌یه‌كى كورتدا وه‌ك كادرێكى سیاسى و نیزامى هاته‌ مه‌یدانه‌وه‌. له‌ رێكه‌وتى 13/1/1359 له‌ جه‌ره‌یانى چه‌ك كردنى كۆمه‌ڵێك له‌ رێگرانى ناوچه‌كه‌ له‌ ئاوایى گه‌ریچه‌ى مه‌ریوان گیانى به‌خت كرد.