هاوڕێ عه‌بدوڵڵاى قادرى ساڵى 1332 له‌ ئاوایى یه‌مێنان له‌ دایك بوو. له‌ سه‌رجه‌مى خۆپیشاندانه‌كانى خه‌ڵكى وه‌گیان هاتووى خه‌ڵكى ئێران به‌دژى رژیمى شا له‌ ساڵى 1357دا به‌شدارى كرد.

به‌دواى راپه‌ڕیندا خه‌باتى خۆى له‌ دژى كۆنه‌په‌ره‌ستان درێژه‌ پێدا. كاتى گرتنه‌وه‌ى كوردستان و هاتنه‌وه‌ى پێشمه‌رگه‌كان بۆ شارى كامیاران هاته‌ نێو رێزى پێشمه‌رگه‌كانى كۆمه‌ڵه‌. هاوڕى عه‌بدوڵڵا یه‌كێك له‌و فه‌رمانده‌ شۆڕشگێڕانه‌ى كۆمه‌ڵه‌ بوو كه‌ ده‌یان عه‌مه‌لیاتى گه‌وره‌ و بچووكى به‌دژى به‌كرێگیراوانى جمهوورى ئیسلامى فه‌رمانده‌هى كرد.

له‌ رێكه‌وتى 27/12/1359 له‌ رووداوى ته‌قینه‌وه‌ى مین له‌ یه‌كێك له‌ مه‌قه‌ره‌كانى كۆمه‌ڵه‌ له‌ ئاوایى عه‌سراواى كامیاران گیانى به‌خت كرد.