هاوڕێ ئه‌حمه‌دى شه‌عبانى ساڵى 1332 له‌ بنه‌ماڵه‌یه‌كى مام ناوه‌ندى شارى سنه‌ له‌ دایك بوو. دیپلۆمى هه‌ر له‌و شاره‌ وه‌رگرت و بۆ درێژه‌دان به‌ خۆێندن چوو بۆ دانیشگاى كشاوه‌رزى شارى هه‌مه‌دان. له‌ دانیشگا له‌ رێى په‌یوه‌ندى له‌گه‌ڵ چه‌ند مه‌حفه‌لى سیاسى له‌گه‌ڵ مه‌سایلى سیاسى ئاشنا بوو.

پێش راپه‌ڕینى 1357 له‌ زۆرێك له‌ مانگرتنه‌كانى دانیشجووییدا به‌شدارى به‌رچاوى بوو. ساڵى 1355 له‌گه‌ڵ سازمانى شۆڕشگێڕى زه‌حمه‌تكێشانى كوردستان كۆمه‌ڵه‌ په‌یوه‌ندى گرت. له‌كاتى راپه‌ڕینى گشتى جه‌ماوه‌رى ساڵى 1357 زۆر مانگرتن و رێپێوانى وه‌ڕی خست. له‌ شه‌ڕى 24 رۆژه‌ى شارى سنه‌ ده‌ورێكى به‌رچاوى گێڕا. ساڵى 1358 له‌ یه‌كێتى جووتیارانى شارى مه‌ریوان ده‌ستى دایه‌ تێكۆشان هه‌ر له‌ هه‌مان ساڵدا له‌لایه‌ن ته‌شكیلاته‌وه‌ ناردرایه‌ شارى مه‌هاباد. ساڵى 1359 بوو به‌ ئه‌ندامى كۆمه‌ڵه‌.

له‌ رۆژى 12/12/1359 له‌ شارى مهاباد له‌لایه‌ن جه‌لادانى رژیمه‌وه‌ ده‌ستگیر كرا و رۆژى دواى یان 16/12/1359 هه‌ر له‌و شاره‌ ئیعدام كرا.