هاوڕێ محمه‌دى مائى ناسراو به‌ كاك شوان ساڵى 1326 له‌ شارى بانه‌ له‌ دایك بوو. به‌هۆى هه‌ژارى و نه‌دارى بنه‌ماڵه‌كه‌ى نه‌یتوانى درێژه‌ به‌ خوێندن بدات. له‌ ساڵى 1350 له‌ زیندانى شارى سنه‌ به‌ یارمه‌تى كۆمه‌ڵێك له‌ زیندانیانى سیاسى له‌گه‌ڵ مه‌سایلى سیاسى ئاشنا بوو. له‌ ساڵى 1356دا خه‌بات و موبارزه‌ى زه‌حمه‌تكێشانى ئاوایى قزل بلاغى دیوانده‌ره‌ هه‌ڵسووڕانه‌ به‌شدارى كرد. هه‌ر له‌و ساڵه‌دا له‌گه‌ڵ كۆمه‌ڵه‌ ئاشنا بوو وه‌ په‌یوه‌ندى به‌ كۆمه‌ڵه‌وه‌ گرت.

له‌ ئه‌وه‌ڵین خۆپیشاندانه‌كانى خه‌ڵكى شارى سنه‌ له‌ راپه‌ڕینى ساڵى 1357دا به‌شدارى كرد. به‌دواى راپه‌ریندا له‌ هه‌ڵبژاردنى شووراى شارى سنه‌ به‌شدارى كرد و وه‌ك نوێنه‌ر هه‌ڵبژێردرا. هاوڕێ شوان وه‌ك ئه‌ندامێكى كۆمه‌ڵه‌ و وه‌ك فه‌رمانده‌یه‌كى چالاكى كۆمه‌ڵه‌ له‌ نه‌ورۆزى خوێناوى شارى سنه‌، له‌ سازماندان و ئامووزشى نیزامى پێشمه‌رگه‌كانى كۆمه‌ڵه‌ له‌ شه‌ڕى 24 رۆژه‌ى شارى سنه‌ له‌ به‌هارى 1359دا نه‌قشى به‌رچاوى گێرا.

له‌ رێكه‌وتى 25/6/1359 ، ئاخرین عه‌مه‌لیاتى نیزامى كه‌ بوو به‌هۆى ته‌فرو و توونا كردنى هێزێكى گه‌وره‌ى ئه‌رته‌ش و سپاى پاسدارانى رژیمى جمهوورى ئیسلامى فه‌رمانده‌هى كرد وه‌ له‌ رێكه‌وتى 26/6/1359 له‌ ئاوایى ئه‌فراسیاوى سنه‌ به‌ راكێتى هیلىكوپتر گیانى به‌خت كرد.