هاوڕێیان نه‌سرین كه‌عبى له‌ شارى سه‌قز چاویان به‌ ژین پشكووت. خوێندنى تا كۆتایى ده‌بیرستان له‌ شارى سه‌قز درێژه‌ پێدا و دواتر چووه‌ ئامووزشگاى بێهیارى له‌ شارى سنه‌. نه‌سرین دواى دوو ساڵ ئامووزش وه‌ك بێهیار چووه‌ بیمارستانى سه‌قز. ئه‌و له‌ نه‌ورۆزى 1358 له‌ شارى سنه‌ به‌ هاناى زۆر برینداره‌وه‌ رۆیشت و هه‌روه‌ها فیداكارى یه‌كى زۆری له‌م بواره‌دا  له‌؟/5/1358 كه‌ خومه‌ینى فه‌رمانى سه‌ركوتى ژن و پیاو و مناڵى كوردستانى دابوو له‌ شارى سه‌قز له‌ خۆی نیشاندا. دواتر كه‌ شارى سه‌قز كه‌وته‌وه‌ ده‌ست هێزه‌كانى جمهوورى ئیسلامى له‌ دادگایه‌كى فه‌رمایشى له‌گه‌ڵ كۆمه‌ڵێكى تر له‌ كارمه‌ندانى بیمارستان ته‌بعید كرا‌ كرمان و قه‌زوێن. دواتر به‌هۆى مانگرتنی ته‌بعیدی هه‌ڵوه‌شایه‌وه‌ و درێژه‌ی به‌ هه‌ڵسووران و فه‌عالییه‌تى شۆڕشگێڕانه‌ى خۆیدا. له‌ دووهه‌مین هێرشى رژیم بۆ سه‌ر شارى سه‌قز كه‌ له‌ ده‌ستیان سه‌ندرا بوه‌وه‌ گیرا و یه‌ك مانگ زیندانى كردا و دواتر ره‌وانه‌ى سنه‌ كرا و له‌وێوه‌ نێردرایه  تاران و به‌ 3_ 5 ساڵ زیندان مه‌حكووم كرا. دواى ماوه‌یه‌كى كورت ره‌وانه‌ى سنه‌ كرانه‌وه‌ و له‌وێ ئیعدام كرا.