به‌ریز بێت یادی پێشمه‌رگه‌ی فیداكاری كۆمه‌ڵه‌

 كاك توفیق خاتم پناه - میانه‌یی

هاورێ توفیق لەکۆشی بنەماڵەیەکی زەحمەتکیشی ئاوایی میانە سەر بە شاری مەریوان چاوی بە ژین هەڵهیناوە ، هەوەک زوربەی لاوانی بنەماڵە زەحمەتکیشەکان لە سەرەتای لاوییەوە ، دەستی داوەتە کارکردن و لەگەڵ کاری قورس وچەوسانەوەی لەرادەبەدەر دەست وپەنجەی نرم کردووە ، هیشتا لاوێکی تازە پێگەیشتو بوو کە بۆ پەیداکردنی کار پەریوەی شارەکانی دەرەوەی کوردستان بوو ، ئاشنا بوون لەگەڵ دەرد ورەنجی هاوچینەکانی ، بیرکردنەوە لە سەرچاوەی بێبەشی زۆرینەی کۆمەڵگا ، یانی ئەو کەسانەی کە  بەرهەم هێنەری هەمو پێداویستیەکانی ژیانن و خۆیان کەمترین بەشیان پێ دەبری گەلیک پرسیاری لە میشکی هاوری توفیق دا دروست کرد ، وەڵامی ئەو پرسیارانە و رزگار بوون لە دەست ستەم و چەوسانەوە ، سەرنجی هاورێ توفیقی بۆ لای خەبات لە دژی هەڵاواردن و بێعەداڵەتی نێو کۆمەڵگا راکیشا ، هە بۆیە لە شوینی کاردا پێوەندییەکی رفیقانەی لە گەڵ هاوچارەنوسەکانی پێکهینا .

راپەرینی کۆمەڵانی خەڵکی ئێران لە دژی رژیمی دیکتاتۆری شا ئەو مەجالەی بۆ دروست کرد کە وەک زۆربەی لاوانی کوردستان لە گەڵ مەسایلی سیاسی ئاشنا بێت ، لەگەڵ پێکهاتنی یەکیەتی جوتیارانی مەریوان وهەورامان چەکی دیفاع لە بەرژەوەندی زەحمەتکیشانی کردە شان و لێنراوانە لە جەولە وهەڵسورانی ئەو ریکخراوەدا بەشداری کرد . دواتر بۆ دریژەدان بە خەبات وتێکۆشان بە ریزی پێشمەرگاکانی کۆمەڵە پەیوەست بوو و لە زوربەی شەرکانی ئەو سەردەمە لەوانە شەرەکانی دەوروبەری پادگانی مەریوان و شەری حەماسی پێشمەرگەکانی کۆمەڵە لە گاران و چەک کردنی سپای رزگاری چالاکانە بەشداری کرد . رۆژی ١٧ ی سەرماوەزی ساڵی ١٣٥٩ لە شەر لە گەڵ بەکرێگێراوانی سپای رزگاری لە ئاوایی بارام ئاوا بریندار دەبێت ولە لایەن هاورییانەوە بەمەبەستی چارەسەر کردن دەبریتە ئاوایی دزڵی ، بە داخەوە رۆژی دواتر ، رێکەوتی ١٨ ی سەرماوەزی ساڵی ١٣٥٩ لە کاتی هیرشی هیزە بەکرێگێراوەکانی کۆماری ئیسلامی بۆ سەر ئاوایی دزڵی ، لەکاتیکدا بەهۆی برینداربونی لە سەر تەختی نەخۆشخانە بوو کەوتە بەر گوللەی پاریزەرانی نیزامی گەندەڵی سەرمایەداری وگیانی لە پێناو رزگاری چەوساوەکان ودامەزراندنی کۆمەڵگایەکی دور لەستەم وچەوسانەوە بەخت کرد . 

یادی به‌رێزه‌ و بیره‌وه‌ری یه‌كانی زیندوون