بەرێز بێت یادی کرێکاری وشیار وپێشمەرگەی فیداکاری کۆمەڵە
 هاورێ هەمزەی مەحەمەد ثانی

 هاورێ هه‌مزه‌ی محه‌ممه‌د ثانی لە کۆشی بنەماڵەیەکی زه‌حمه‌تكێش ورەبجدەرلە ناوچەی شنۆ  چاوی بە ژین هەڵهێناوە . هێشتا منداڵ بوو بابی له‌ده‌ست دا و ئەرکی دابێنکردنی بژێوی بنەماڵەکەیانی کەوتە سەرشان و لە چون بۆ مەدرەسە وفێربونی سەواد بێبەش بوو . تازە لاوێکی پێگەیشتو بوو روی لە بازاری کارکرد و تامێ تاڵی کاری تاقەت پرۆکێن و حەقدەستی کەمی چێشت و بۆ پەیداکردنی پێداوێستیەکانی ژیانێکی مەمرە و مەژی رۆیکردە شارەکانی دەرەوەی کوردوستان و چه‌ندین ساڵ له‌ تاران كرێكاری كرد .

هاورێ هەمزە هەر لەو کاتەوە بێعداڵەتی کۆمەڵگای سەرمایەداری بۆ دەرکەوت و پەی بەو راستییە بردبو کە کرێکاران و کۆمەڵانی خەڵکی زەحمەتکێش بەرهەم هێنەری هەمو ئێمکاناتی سەر گۆی زەوین و خۆیان لە بەرهەمی کاریان بەشێکی زور کەمیان وەبەر دەکەویت  وباش دەیزانی کە کۆمەڵانی کرێکار و بەشمەینەت بۆ کۆتایی هێنان بەو بێعداڵەتییە جگە لە خەباتی یەکگرتوانە رێگایەکی دێکەیان نیە ، هەر بۆیە لە گەڵ دەسپێکردنی بزووتنه‌وه‌ی شۆڕشگێڕانه‌ی خه‌ڵكی ئێران لە دژی رژیمی دیکتاتۆری شا بەو راپەرێنە شکۆدارە پەیوەست بوو و له‌ خه‌باتی كرێكاراندا لە سەر دەمی راپەرێن بەشداری کرد و له‌گه‌ڵ توانای شۆڕشگێڕانه‌ی چینی كرێكاربۆئاڵ وگۆری بنە رەتی لە کٶمەلگای سەرمایەداری و دەوری دیارێکەر ئەو چێنە بۆ بەسەر کەوتن گەیاندنی شۆرش  ئاشنا بوو.

هاورێ هەمزە هه‌ر له‌وسەردەمەدا پێوەندی بە ریزەکانی کۆمەڵەوە گرت و لێبراوانە بۆ ناساندی سیاسەت وئامانجەکانی کۆمەڵە لە نێو کرێکاراندا تێدەکۆشا  . پاشان لە گەڵ دەسپێکردنی هێرشی هیزەکانی کۆماری ئیسلامی بۆ سەر کوردوستان بە ریزی پێشمه‌رگه‌كانی كۆمه‌ڵه‌ له‌ ناوچه‌ی (شنۆ) پەیوەست بوو و چەکی دیفاع لە قازانجی کرێکاران و خەڵکی مافخوازی کوردوستانی کردە شان و لە چەندین شەری قارەمانانە و موقاومەت لە بەرابەر هێزەکانی کۆماری ئیسلامی بەشداری کرد.

بە داخەوە رێكه‌وتی ١٨ ی مانگی خەزەڵوەری ساڵی ١٣٦٠ هەتاوی له‌ دۆڵی بایزاوی له‌ نەبەردێکی قارەمانانە پاش چەند سەعات مەقاومەت لە بەرامبەر به‌كرێگیراوانی جمهووری ئیسلامی كه‌وته‌ به‌ر تیكه‌ی گولله‌ی خومپاره‌ و گیانی لە‌ پێناو ئامانجه‌ به‌رزه‌كانی بەخت کرد.

یادی ئازێزی بە درێژەدانی رێگای پڕ لە شانازی رێز لێدەگرێن .