به‌رێزبێت یادی کرێکاری شۆرشگێر و هەڵسوراوی کۆمەڵە

هاورێ حسین سهرابی

هاورێ حوسه‌ین ساڵی 1343 له‌ بنه‌ماڵه‌یەکی زه‌حمه‌تكێش لە ئاوایی قوم قه‌لا سەر بە شاری مهاباد چاوی بەژین پشکوت ، هه‌ر له‌ سه‌ره‌تای منالییه‌وه‌ له‌ گه‌ل فه‌قیری ده‌ست و په‌نجه‌ی نه‌رم كرد.

خویندنی  تا سیهه‌می ناوه‌ندی له‌ ئاواییەکەی خۆیان درێژه‌ پێداوە . به‌ڵام به‌ هۆی فه‌قیری خانه‌واده‌كه‌یان ده‌ستی له‌ ده‌رس خوێندن هه‌ڵگرت و ده‌ستی كرد به‌ كریكاری و روی کردە مەیدانی کاری پڕ زەحمەت و تاقەت پروکین . هەر لە سەرەتای دەسپێکردنی جوڵانەوەی پڕخروشی کۆمەڵانی خەڵکی ئیران لە دژی رژیمی دیکتاتوری شا له‌ساڵه‌كانی 56 و 57 دا لێبراوانه‌ له‌ موبارزاتی خه‌ڵكی زه‌حمه‌تكێشی ئیران و خۆپیشاندانەکانی ئەو سەردەمە بەشداری كرد.

دوای راپه‌رینی ساڵی 57 له‌ گه‌ل كۆمه‌ڵه‌ ئاشنا بووە ، كاك حوسه‌ین له‌ بڵاوكردنه‌وه‌ی نه‌شریات و خه‌به‌رنامه‌ی كۆمه‌ڵه‌ و ته‌بلیغات له‌ نێو خه‌ڵكی زه‌حمه‌تكێش و هه‌روه‌ها كرێكارانی كوره‌خانه‌كان نه‌قشێكی بەرچاوی بووە و هه‌موو كاتێك له‌ هه‌وڵی ئه‌وه‌ دا بوو  كرێكاران بۆ خەبات لە دژی نیزامی سەرمایەداری ریک بخات و بە ماف وبەرژەوەندییەکانیان ئاشنایان بکات .

هاورێ حوسه‌ین  كاتیک له‌ كوره‌په‌زخانه‌كان کاری دەکرد ، سەرەرای کاری تاقەت پروکینی کورە خانە لە بڵاوکردنەوەی نەشریات وخه‌به‌ر نامه‌كانی كۆمه‌ڵه‌وتەبلیغی سیاسەت ورێبازی کۆمەڵە  له‌ ناوچه‌ی شاروێرانی مهاباد بۆ ساتیک غافل نەدەبوو .

بەداخەوە رێکەوتی ٣ ی جۆزەردانی ساڵی ١٣٦٠ هەتاوی لە کاتیکدا له‌ شیركه‌تی كوشتاره‌گاه‌ له‌ نزیكی ئیندرقاش كرێكاری ده‌كرد ، کەوتە بەر گوللەی بەکریگێراوانی کۆماری ئیسلامی و گیانی به‌خت كرد.

 یادی به‌رزو به‌رێز بێ