هاوڕێ محه‌ممه‌دی محه‌ممه‌دی ساڵی 1335 له‌ یه‌كێك له‌ شاره‌كانی ئازه‌ربایجان له‌دایك بوو. هه‌ڵسووڕانی سیاسی خۆی له‌گه‌ڵ چوون بۆ دانشگای سه‌نعه‌تی تاران ده‌ست پێكرد. ئه‌و یه‌كێك له‌ هه‌ڵسووڕاوانی خه‌باتی دانشجوویی له‌ شاری تاران بوو. به‌دوای راپه‌ڕینی ساڵی 57 په‌یوه‌ندی به‌ "یه‌كێتی موبارزانی رێگای رزگاری چینی كرێكار"وه‌ گرت و پاشان چوه‌ نێو ریزی سازمانی ره‌زمه‌نده‌گانه‌وه‌. له‌ ساڵی 59 یه‌كێك له‌ مه‌سئوولانی ئه‌و سازمانه‌ له‌ كوردستان بوو. هاوڕێ محه‌ممه‌د له‌گه‌ڵ هاوڕێ موجته‌با ئه‌حمه‌دزاده‌ له‌ شه‌هریوه‌ری ساڵی 60 له‌ شاری تاران ده‌ستگیر كرێ و رێكه‌وتی 3/9/60 له‌ زیندانی ئه‌وین تیرباران كرێ.