هاوڕێ فه‌تاحی سه‌راوكام سالی 1342 له‌ ئاوایی ئه‌ڵكیی ناوچه‌ی كامیاران هاته‌ دنیاوه‌. ساڵه‌كانی پێش راپه‌ڕین ژیانی به‌ ره‌نجی كاری لادێ و به‌ كرێكاری تێپه‌ڕ كرد. دوای هاتنه‌ سه‌ركاری رژیمی جمهووری ئیسلامی په‌یوه‌ندی به‌ ته‌شكیلاتی كۆمه‌ڵه‌وه‌ گرت و دوای ماوه‌یه‌ك هاته‌ ناو ریزی پێشمه‌رگه‌ی كۆمه‌ڵه‌ به‌ هۆی هه‌ڵسووڕاوی و كاری وشیاری ده‌رانه‌ی له‌ ناو خه‌ڵكی ناوچه‌ی كامیاراندا ناسرا و خۆشه‌ویست بوو له‌ رێكه‌وتی 27/8/1361 له‌ رووبه‌رووبوونه‌وه‌یه‌ك له‌گه‌ڵ هێزه‌كانی رژیم له‌ نیزیك ئاوایی ئاسه‌نگه‌ران له‌ سه‌ر جاده‌ی كامیاران - مه‌ریوان كه‌وته‌ به‌ر گولله‌ و گیانی به‌خت كرد كاتێك پاسدارانی جمهووری ئیسلامی ویستیان ته‌رمی كاك فتاح له‌گه‌ڵ خۆیان به‌رن دایكێكی زه‌حمه‌تكێشی ئاوایی ئاسه‌نگه‌ران به‌ منداڵه‌وه‌ خۆی به‌ سه‌ر ته‌رمه‌كه‌یدا كێشا پاسدارانی رژیم ئه‌و دایكه‌ و مناڵه‌كه‌یان دایه‌ به‌ر ده‌سترێژی گولله‌ و ئهوینیش به‌سه‌ر ته‌رمه‌كه‌ی كاك فتاح دا گینیان به‌خت كرد.