به‌رز و به‌رێزه‌ یادی هاوری نه‌جمه‌دینی عه‌بدی پێشمه‌رگه‌ی فیداكار و جه‌سوری كۆمه‌له‌

هاوری نه‌جمه‌دینی عه‌بدی سالی 1340ی هه‌تاوی له‌ نێو بنه‌ماله‌یه‌كی زه‌حمه‌تكێش و ده‌ست كورتی شاری سه‌قز چاوی به‌ ژین پشكووت.

له‌ به‌ر ده‌ست كورتی و گوزه‌رانی سه‌ختی بنه‌ماله‌كه‌ی نه‌یتوانی خوێندنی له‌ ده‌وره‌ی سه‌ره‌تائی به‌رێته‌ سه‌ر و به‌ ناچار هه‌ر له‌ ده‌ورانی مندالیه‌وه‌ تێكه‌لاو به‌ دنیای كار و رنج بوو.

به‌ به‌رز بونه‌وه‌ی ده‌نگی ئیعترازات و خۆپیشاندانی جه‌ماوه‌ری خه‌لك له‌ ئیران  چالاكانه‌ به‌شداری له‌ خه‌باتی جه‌ماوه‌ری له‌ دژی رژیمی په‌هله‌وی كرد.

دوابه‌دوای راپه‌رینی رێبه‌ندانی سالی 1357ی هه‌تاوی و به‌ ئاشكرا بوونی هه‌لسوورانی كۆمه‌له‌ ئه‌م ئازیزه‌ گه‌یشتن به‌ ئاواته‌كانی خۆی له‌ سیاسه‌ت ورێبازی كۆمه‌له‌دا بینیه‌وه‌ .

هاوری نه‌جمه‌دین كه‌سێكی وریا و تینوی فێر بوون بوو و زۆر بوێرانه‌ به‌ره‌و رووی هه‌ر بابه‌تێك ده‌بوه‌وه‌ كه‌ رێگری له‌ به‌ره‌وپێش چوونی ژیان بكردایت .

به‌هاری سالی 59هاته‌ ریزی پێشمه‌رگه‌كانی كۆمه‌له‌ و، پێنایه‌ مه‌یدانێكی دیكه‌ له‌ خه‌بات و چالاكی سیاسیه‌وه‌.

شه‌هامه‌ت و لێهاتووئی ئه‌م خۆشه‌ویسته‌ له‌ ده‌ورانی ژیانی پێشمه‌رگانه‌دا،  له‌و تایبه‌ت مه‌ندیانه‌یه‌ كه‌ هاوری نه‌جمه‌دینی عه‌بدی پێ ده‌ناسرێته‌وه‌ .

له‌ به‌ر ئازایه‌تی و كارزانی له‌ مه‌یدانی شه‌ردا بوو به‌ مه‌سئوولی ده‌سته‌یه‌ك له‌ هاوریانی پێشمه‌رگه‌.

رۆژی 23ی گۆلانی سالی 1361 له‌ جه‌ره‌یانی ده‌رگیری له‌ نێوان پێشمه‌رگه‌كانی كۆمه‌له‌ و هیزی دوژمن كه‌ له‌ ده‌شتی داری له‌ سه‌ر رێگای سه‌قز_بانه‌ رووی دا، هاوری نه‌جمه‌دینی عه‌بدی پێشمه‌رگه‌ی فیداكاری كۆمه‌له‌ و مه‌سئوولی ده‌سته‌، له‌ كاتیك دا كه‌ تا چه‌ند مه‌تری سه‌نگه‌ره‌كانی دوژمن پێشره‌وی كردبوو كه‌وته‌ به‌ر گولله‌ی دوژمن و گیانی به‌خت كرد.

یادی ئازیز و خۆشه‌ویستی به‌ درێژه‌ پێدان به‌رێگای پیروزی به‌رز راده‌گرین.