هاوڕێ ئه‌حمه‌دی كانیسه‌یدی ساڵی 1343 له‌ كۆشی خێزانێكی ده‌سته‌نگی ئاوایی كانی سه‌یدیی ناوچه‌ی سه‌قز له‌دایك بوو. خوێندنی سه‌ره‌تایی له‌و ئاوایییه‌ ته‌واو كرد و بۆ درێژه‌ی خوێندن چووه‌ شاری سه‌قز. به‌ پێكهاتنی یه‌كێتی جووتیاران له‌ ناوچه‌ی سه‌قز هاوڕێ ئه‌حمه‌د په‌یوه‌ندی نیزیكی له‌گه‌ڵ گرت و پاییزی ساڵی 58 له‌ خه‌باتی كۆمه‌ڵانی خه‌ڵكی ئه‌و شاره‌دا و به‌تایبه‌ت خه‌باتی خوێندكارانیدا هه‌ڵسووڕاوانه‌ به‌شداری كرد. به‌ هاتنه‌وه‌ی پێشمه‌رگه‌ بۆ ناو شاری سه‌قز هاوڕێ ئه‌حمه‌د په‌یوه‌ندی به‌ مه‌قه‌ری كۆمه‌ڵه‌وه‌ گرت و بوو له‌ لایه‌نگری كۆمه‌ڵه‌. له‌ هاوینی ساڵی 1361 به‌ ریزه‌كانی پێشمه‌رگه‌ی كۆمه‌ڵه‌ په‌یوه‌ست بوو. رۆژی 17/8/1362 له‌ عه‌مه‌لییاتێكی به‌ربڵاوی پێشمه‌رگه‌كانی كۆمه‌ڵه‌ له‌ ئاوایی مه‌رخوز به‌ دژی هێزه‌كانی رژیم، كه‌وته‌ به‌ر گولله‌ی به‌كرێگیراوانی رژیم و گیانی به‌خت كرد.