هاوڕێ به‌هرامی ئه‌حمه‌دیار له‌ شاری سنه‌ له‌دایك بوو. له‌ بزووتنه‌وه‌ی شۆڕشگێڕانه‌ی كۆمه‌ڵانی خه‌ڵكی ئێران دژی رژیمی شا له‌گه‌ڵ خه‌باتی سیاسی ئاشنا بوو. له‌ شه‌ڕی 24رۆژه‌ی شاری سنه‌ هه‌ڵسووڕاوانه‌ به‌شداری كرد. هاوینی ساڵی 1360 به‌ ریزه‌كانی كۆمه‌ڵه‌ په‌یوه‌ست بوو. له‌ درێژه‌ی هه‌ڵسووڕانیدا بوو به‌ مه‌سئوولی سیاسی ده‌سته‌یه‌ك له‌ پێشمه‌رگه‌كانی كۆمه‌ڵه‌. به‌هاری ساڵی 61 بوو به‌ ئه‌ندام. رێكه‌وتی 22/8/1362 كۆمه‌ڵێك له‌ هاوڕێیانی پێشمه‌رگه‌ له‌ ئاوایی هاڵه‌یه‌ره‌ی ناوچه‌ی دیوانده‌ره‌ كه‌وتنه‌ گه‌مارۆی هێزه‌كانی رژیم، دوای شه‌رێكی سه‌خت و خوێناوی هاوڕێ به‌هرام به‌ گولله‌ی جینایه‌تكارانه‌ی رژیم  گیانی به‌خت كرد.