به‌یادى هاورى بایزیدى ئیبراهیمى تێكۆشه‌رى د ڵسۆزى كۆمه‌ڵه‌  

 ناوى هاورى بایزیدى ئیبراهیمى ناسراو به‌ بایز مه‌كلاوه‌یى بو زۆربه‌ى پێشمه‌رگه‌كان و خه‌ڵكى ناوچه‌ى سه‌رده‌شت ناوێكى ئاشنایه‌، ئه‌م خۆشه‌ویسته‌ له‌ زومره‌ى ئه‌و زه‌حمه‌تكێشه‌ وشیارانه‌ بوو كه‌ زۆر باش قازانج و به‌رژه‌وه‌ندى هاوچینه‌كانی خۆی ده‌ناسى، به‌ باشى ده‌یزانى كه‌ رێبازی كۆمه‌ڵه‌ رێگه‌ی رزگارى ئه‌وانه‌.

به‌ڵى هاورى بایز رێگاى خۆى دۆزیبووه‌وه‌. هاورێ بایز تێكۆشه‌رێكی به‌ جه‌ربه‌زه‌ و ماندویی نه‌ناس بوو، هیچ فورسه‌تێكی بۆ بلاو كردنه‌وه‌ی تووی ئه‌و ووشیاریه‌ی كه‌ خۆی پێی گه‌یشتبوو له‌ ده‌ست نه‌ده‌دا هه‌ر بۆیه‌ش كۆنه‌ په‌ره‌ستان و دوژمنانی خه‌لكی زه‌حمه‌تكێش له‌ ناوچه‌كه‌ ناخۆشیان ده‌ویست  و به‌رده‌وام كۆسپیان ده‌خسته‌ سه‌ر رێگای تێكۆشانی.

 هاورى بایز ئیبراهیمى ساڵى 1332 له‌ ناو بنه‌ماله‌یه‌كى هه‌ژار و ده‌س ته‌نگ له‌ دایك بوو، هه‌تا سه‌رده‌مى شورشی 1357 هه‌رده‌م له‌ جێیه‌ك و هه‌ر جار بۆ خاوه‌نكارێك خه‌ریكى كار بوو، بى كارى و ده‌ربه‌ده‌رى، به‌ شوێن كاردا ئه‌م لاو ئه‌و لاى گه‌ران، هه‌موویان به‌ گشتى ئه‌و چه‌ند ساڵه‌ ژیانه‌ى هاورى بایزیان پێك هێنا بوو.

 پاش راپه‌رین و به‌ ئاشكرا بوونى هه‌ڵسوورانى كۆمه‌ڵه‌ له‌ كوردستان سه‌رنجى به‌رولاى سیاسه‌ت و ئامانجه‌كانى كۆمه‌ڵه‌ راكێشراو بوو به‌ هه‌لسوراوێكی ئه‌و رێبازه‌ و له‌ پیناوی دا زه‌حمه‌تی ده‌كێشا و فیداكاری ده‌كرد.

 سه‌ره‌نجام هاورى بایزیدى ئیبراهیمى ناسراو به‌ بایزو مه‌كلاوه‌یى له‌ رێگاى كاروان، بۆ به‌ ده‌س هێنانى بژیوی ژیان رۆژى 11ى گه‌لاوێژى سالی 1362چوو به‌سه‌ر مین داو گیانى به‌خت كرد و دڵه‌ گه‌ره‌كه‌ى بۆ هه‌میشه‌ له‌ لێدان كه‌وت.

 به‌ خه‌بات بۆ وه‌دى هێنانى ئامانجه‌ پیرۆزه‌كه‌ى رێز له‌ یادى ئازیزى ده‌گرین.