هاوڕێ باقی كه‌ریمی ناسراو به‌  هه‌ژار، ساڵی 1331 له‌ شاری مهاباد له‌ دایك بوو. خوێندنی سه‌ره‌تایی و ده‌بیرستانی له‌و شاره‌ ته‌واو كرد. كاتی به‌رزبوونه‌وه‌ی بزووتنه‌وه‌ی جه‌ماوه‌ری و گشتی كۆمه‌ڵانی خه‌ڵكی ئێران له‌ ساڵی 57دا، ئه‌ویش وه‌ك هه‌زاران لاویتر رووی كرده‌ خه‌باتی سیاسی. له‌و كاته‌وه‌ وه‌ك لایه‌نگری بیروباوه‌ڕی كۆمه‌ڵه‌ هه‌ر له‌ سه‌ره‌تاوه‌ توانایی شۆڕشگێڕانه‌ی خسته‌ گه‌ڕ. به‌ دوای هێرشی رژیم بۆ سه‌ر كوردستان له‌ 28ی موردادی 58 بوو به‌ پێشمه‌رگه‌ی كۆمه‌ڵه‌. له‌گه‌ڵ ده‌ست پێكردنی هێرشی دووباره‌ی رژیم بۆ شاری مهاباد، هاوڕێ باقی له‌ شار مایه‌وه‌ و ده‌ستیدایه‌ هه‌ڵسووڕانی نهێنی. پاش 1 سالڕ هه‌ڵسووڕان له‌ شاری مهاباد سه‌ره‌نجام ساڵی 60به‌ ریزه‌كانی كۆمه‌ڵه‌ په‌یوه‌ست بوو. له‌ شه‌ڕی پایگای قوڵقوڵه‌ له‌ ناوچه‌ی مهاباد له‌ دژی هێزه‌كانی رژیم له‌ ساڵی 62دا هاوڕێ باقی به‌دیل گیرا. به‌ دوای 9 مانگ ئه‌شكه‌نجه‌ و ئازاری دڕندانه‌ی جه‌لادانی رژیم سه‌ره‌نجام هاوڕێ له‌گه‌ڵ 58 كه‌س له‌ هاوڕێیانی له‌ 12/3/62 ئیعدام كرێ.