هاوڕێ داودی محه‌ممه‌دی ناسراو به‌ داودی قه‌ره‌وڵ ساڵی 1345 له‌ ئاوایی قه‌ره‌ولێ ناوچه‌ی دیوانده‌ره‌ له‌ دایك بوو. تا كلاسی 5ی سه‌ره‌تایی له‌ ئاوایییه‌كه‌ی خۆیان ده‌رسی خوێند. له‌ ژێر ته‌ئسیری موعه‌لیمه‌كه‌یدا كه‌ هاوڕێی كۆمه‌ڵه‌ بوو كۆمه‌ڵه‌ و خه‌بات و بیروباوه‌ڕی شۆڕشگێڕانه‌ی ناسی. پاییزی ساڵی 60هاته‌ ریزی پێشمه‌رگه‌كانی كۆمه‌ڵه‌. رێكه‌وتی 9/4/62 له‌ عه‌مه‌لیاتێكی گه‌وره‌ی پێشمه‌رگه‌كانی كۆمه‌ڵه‌ دژی هێزه‌كانی جمهووری ئیسلامی له‌ ئاوایی قالووجه‌ له‌ ناوچه‌ی دیوانده‌ره‌ گیانی به‌خت كرد.