به‌رێزه‌ یادی هاورێ ئێقباڵی مورادی، پێشمه‌رگه‌ی وشیار و فیداكاری كۆمه‌ڵه‌

هاورێ ئێقباڵی مورادی ساڵی ١٣٤٦ی هه‌تاوی له‌ نێو بنه‌ماڵه‌یه‌كی زه‌حمه‌تكێشی ئاوایی ته‌نگباخ ی ناوچه‌ی ساراڵی سنه‌ چاوی به‌ ژین پشكوت.

خوێندنی هه‌تا كه‌لاسی سێهه‌می سه‌ره‌تایی له‌ ته‌نگباخ و دوو ساڵی دیكه‌ی خوێندنی له‌  یه‌كێك له‌ ئاواییه‌كانی نزیك به‌ خۆیان به‌ ئه‌نجام گه‌یاند. ده‌ست ده‌نگی و خراپی باری گوزه‌رانی بنه‌ماڵه‌كه‌یان بوو به‌ هۆی ئه‌وه‌ كه‌ نه‌توانێ درێژه‌ به‌ خوێندن بدات.

ساڵی ٥٩ بۆ درێژه‌ پێدان به‌ ژیانیان، له‌گه‌ڵ بنه‌ماڵه‌كه‌یان ره‌وانه‌ی شاری سنه‌ بوون.

ژیانی سه‌خت و بوونی سته‌م چه‌وساندنه‌وه‌ كه‌ هه‌موو بواره‌كانی ژیانی چینی كرێكار و زه‌حمه‌تكێش ده‌خاته‌ ژێر كاریگه‌ریه‌كانی خۆیه‌وه‌، بنه‌ماێك بوو بۆ ئه‌م لاوه‌ خوێن گه‌رمه‌ كه‌ سه‌رنجی به‌ره‌ ولای تێكۆشان و خه‌بات راكێشی و ته‌شكیلاتی كۆمه‌ڵه‌ و رێبازی سۆسیالیستی بۆ گه‌یشتن به‌ دینای حه‌ز و ئاواته‌كانی هه‌ڵبژارد.

ساڵی ٦٢ به‌ دڵێكی پر له‌ شوور شه‌وقه‌وه‌ هاته‌ مه‌یدانی تێكۆشان و پاش ته‌واو كردنی ده‌وره‌ی ئاموزشی سیاسی نیزامی له‌ فێرگه‌ی كۆمه‌ڵه‌ له‌ كاتی رۆیشتن بۆ مه‌ئمووریه‌تێكی ته‌شكیلاتی له‌ ئاوایی دۆزه‌غه‌ره‌ی ناوچه‌ی ساراڵ، له‌گه‌ڵ كه‌مینی هێزه‌كانی حیزبی دێموكرات به‌ره‌ و روو ده‌بن و تووشی شه‌رێكی نه‌خوازراو ده‌بن.

به‌داخه‌وه‌ هاورێ ئێقباڵی مورادی وێرای ١٢ كه‌سی دیكه‌ له‌ هاورێیانمان له‌ جه‌ریانی ئه‌م شه‌ره‌دا گیانیان به‌خت ده‌كه‌ن و به‌ریزی گیان به‌خت كردوانی رێگای ئازادی و به‌خته‌وه‌ری بۆ ئینسان په‌یوه‌ست ده‌بن.

یادی ئازیزی بۆ هه‌میشه‌ زیندووه‌ و رێگای هه‌تا گه‌یشتن به‌ كۆمه‌ڵگایه‌ك به‌ دوور له‌ چه‌وسانه‌وه‌ درێژه‌ی هه‌یه‌.