هاوڕێ حه‌بیبوڵڵای ئه‌مجه‌دیان، له‌ شاری سنه‌ هاته‌ دنیاوه‌. ساڵه‌كانی پێش راپه‌ڕینی به‌ كاركردن و ده‌رس خوێندن تێپه‌ڕ كرد. ساڵی 56 له‌ كانوونی فه‌رهه‌نگ و هونه‌ری شاری سنه‌ دامه‌زرا. ساڵی 57 هاته‌ ناوجه‌رگه‌ی خه‌باتی سیاسی و هه‌ڵسووڕاوانه‌ له‌ شۆڕشی خه‌ڵكی ئێران له‌ دژی رژیمی شا به‌شداری كرد. پێش سه‌ركه‌وتنی شۆڕش له‌لایه‌ن رژیمی شاوه‌ له‌سه‌ر كار ده‌ركرێ بوو. هه‌ر بۆیه‌ رووی كرده‌ له‌ كرێكاری و له‌و ده‌وره‌یه‌دا له‌گه‌ڵ هاوڕێیانی كۆمه‌ڵه‌ په‌یوه‌ندی گرت و له‌گه‌ڵ هاوڕێ شوان كۆڕێكی چه‌كدارانه‌یان له‌ دژی كۆنه‌په‌رستان و بۆ دیفاع له‌ ده‌ستكه‌وته‌كانی شۆڕشی 57 پێكهێنا دوای شۆڕش به‌ ریزی پێشمه‌رگه‌ی كۆمه‌ڵه‌ په‌یوه‌ست بوو. له‌ شه‌ڕه‌كانی به‌رگریدا به‌شداری چالاكانه‌ی كرد. له‌ به‌شی ئینفجاراتدا ده‌وری دیت و ده‌ستی كرده‌وه‌ به‌ فێركردنی پێشمه‌رگه‌كانی كۆمه‌ڵه‌. رێكه‌وتی 7/9/62 له‌ كاتی پووچه‌لڕ كردنه‌وه‌ی ئه‌و مینانه‌ی كه‌ هێزه‌كانی رژیم له‌ ئاوایی ته‌ورێزخاتون داینابوو گیانی به‌خت كرد.