هاوڕێ جه‌عفه‌ری عسمه‌تی، كۆمۆنیستی شۆڕشگێڕ سیمای ناسراوی نێو كرێكاران و زه‌حمه‌تكێشان و یه‌كێك له‌ سازمانده‌ره‌انی خه‌باتی خه‌ڵكی وه‌گیان هاتووی شاری مهاباد بوو. هاوڕێ جه‌عفه‌ر له‌ په‌یوه‌ندی له‌گه‌ڵ بزووتنه‌وه‌ی شۆڕشگێڕانه‌ی كوردستاندا ده‌ستیدایه‌ هه‌ڵسووڕانی سیاسی و له‌گه‌ڵ كۆڕو كۆمه‌ڵه‌ كۆمۆنیسته‌كان دا په‌یوه‌ندی گرت. له‌ شۆڕشی ساڵی 57دا هاوڕێ جه‌عفه‌ر وه‌ك رابه‌رێكی هه‌ڵسووڕاو به‌شداری كرد و له‌ ماوه‌یه‌كی كه‌م له‌ هه‌ڵسووڕانیدا بوو به‌ سیمایه‌كی ناسراوی نێو زه‌حمه‌تكێشانی شاری مهاباد به‌ دوای راپه‌ڕیندا له‌ په‌یوه‌ندی له‌گه‌ڵ كۆمه‌ڵه‌ له‌ جه‌معییه‌تی دیفاع له‌ ئازادی و ئینقلاب له‌ شاری مهاباد درێژه‌ی به‌ هه‌ڵسووڕانیدا. هاوڕێ جه‌عفه‌ر به‌هاری ساڵی 62بوو به‌ ئه‌ندامی كۆمه‌ڵه‌ و پاشان بوو به‌ ئه‌ندامی كومیته‌ی ته‌شكیلاتی كۆمه‌ڵه‌ له‌ شاری مهاباد. له‌ شه‌هریوه‌ری ساڵی 62 له‌لایه‌ن هێزه‌كانی جمهووری ئیسلامییه‌وه‌ گیرا و خرایه‌ زیندان و به‌ دوای ئازار و ئه‌شكه‌نجه‌یه‌كی زۆر له‌ پاییزی ساڵی 62دا ئیعدام كرێ.