هاوڕێ كه‌مالێ حاجیمیرزایی ناسراو به‌  "كه‌ماڵ باوه‌ریزی" ساڵی 1337 له‌ ئاوایی باوه‌ریزی شاری سنه‌ له‌ دایك بوو. له‌ شۆڕشی 57دا به‌شداری كرد و به‌م جۆره‌ له‌گه‌ڵ مه‌سایلی سیاسی ئاشنا بوو. به‌ دوای راپه‌ڕیندا په‌یوه‌ندی به‌ جه‌معییه‌تی دیفاع له‌ ئازادی و شۆڕش له‌ شاری سنه‌ گرت. پاشان له‌ ساڵی 58 په‌یوه‌ندی به‌ كۆمه‌ڵه‌وه‌ گرت و شێلگیرانه‌ ده‌ستیدایه‌ خه‌بات  بۆ رابه‌ری كردنی ئیعتراز و خۆپیشاندانه‌ جه‌ماوه‌رییه‌كانی شاری سنه‌. سه‌ره‌تای هێرشی دووهه‌می رژیم بۆ سه‌ر كوردستان بوو به‌ پێشمه‌رگه‌ی كۆمه‌ڵه‌ و هه‌ڵسووڕاوانه‌ له‌ شه‌ڕی 24رۆژه‌ی شاری سنه‌دا به‌شداری كرد.

رۆژی 22/5/62 له‌ شه‌ڕی ده‌ره‌یه‌زان و كه‌لڕكوژی نێوان سه‌قز و مه‌ریوان و دیوانده‌ره‌ به‌ پڕیشكی خومپاره‌ گیانی به‌خت كرد.