هاوڕێ خدری محه‌ممه‌دی، ساڵی 1341 له‌ شاری مهاباد هاته‌ دنیاوه‌. ساڵی 57 هاته‌ جه‌رگه‌ی خه‌باتی سیاسییه‌وه‌ و چالاكانه‌ له‌ شۆڕشی خه‌ڵكی ئێران له‌ دژی رژیمی شادا به‌شداری كرد و له‌ ریزی پێشه‌وه‌ی خۆپیشاندان  و ناڕه‌زایه‌تییه‌ جه‌ماوه‌رییه‌كانیدا بوو. دوای شۆڕش هه‌ڵسووڕانی خۆی به‌ جه‌معییه‌تی دیموكرێتیكی رێگای رزگاری زه‌حمه‌تكێشانی شاری مهاباد گرێدا و دوای ماوه‌یه‌ك په‌یوه‌ندی به‌ كۆمه‌ڵه‌وه‌ كرد و وه‌ك هه‌ڵسووڕاوێكی تێكۆشه‌ر ده‌ستی به‌ هه‌ڵسووڕان كرد.

كاتی هێرشی یه‌كه‌می جمهووری ئیسلامی بۆ سه‌ر كوردستان له‌ شار مایه‌وه‌ و به‌ هه‌ڵسووڕانی خۆی له‌ ناو خوێندكاران و لاواندا درێژه‌یدا. له‌ هیرشی دووهه‌می جمهووری ئیسلامیشدا به‌و ئه‌زموونه‌ی له‌ به‌ر ده‌ستیدا بوو په‌ره‌ی به‌ هه‌ڵسووڕانی خۆی له‌ شاری مهابادا و له‌ هه‌ڵخراندنی ئیعترازه‌كان و بڵاوكردنی نووسراوه‌كانی كۆمه‌ڵه‌ و كۆكردنه‌وه‌ی یارمه‌تی و به‌شداری كردن له‌ شه‌ڕه‌كانی نێو شاری مهاباددا ده‌وری گێڕا. دوای ماوه‌یه‌ك رژیم شكی تآكرد و له‌لایه‌ن هێزه‌كانی رژیمه‌وه‌ ده‌ستگیر و زیندانی كرێ به‌ڵام به‌هۆی نه‌بوونی زانیاری پێویست ئازاد كرێ.

به‌هاری ساڵی 60 هاته‌ به‌شی عه‌له‌نی ته‌شكیلات و به‌ ریزی پێشمه‌رگه‌ی كۆمه‌ڵه‌وه‌ په‌یوه‌ست بوو رێكه‌وتی 30/11/62 له‌ شه‌ڕێكدا له‌گه‌ڵ هێزه‌كانی جمهووری ئیسلامی له‌ نیزیك شاری سه‌قز گیانی به‌خت كرد.