هاوڕێ مه‌حموودی سه‌لیمی بڕۆیش كانی، ساڵی 1342 له‌ ئاوایی بڕۆیش كانی ناوچه‌ی بانه‌ له‌ دایك بوو. خوێندنی سه‌ره‌تایی له‌ ئاوایی خۆیاندا خوێند و بۆ درێژه‌ی خوێندن چووه‌ شاری بانه‌. به‌ شوڕ و شه‌وقێكی زۆره‌وه‌ وه‌ك لاوێكی شۆڕشگێڕ له‌ خۆپیشاندانه‌كانی ساڵی 57دا به‌ دژی رژیمی شا به‌شداری چالاكانه‌ی كرد. به‌هاری 59 رووی كرده‌ پێشمه‌رگایه‌تی كۆمه‌ڵه‌ و بوو به‌ پێشمه‌رگه‌. بۆ ماوه‌ی 1ساڵ له‌ مه‌قه‌ڕه‌ مه‌ركه‌زییه‌كانی كۆمه‌ڵه‌ وه‌ك  په‌یكی نامه‌به‌ر كاری ده‌كرد. رێكه‌وتی 18/3/62 له‌ عه‌مه‌لیاتێكی پێشمه‌رگه‌كانی كۆمه‌ڵه‌ له‌ دژی هێزه‌كانی رژیم له‌ نێوان كۆخان و حه‌سه‌ن ئاوادا گیانی به‌خت كرد.