هاوڕێ عومه‌ری عه‌بدوڵڵاهی، ساڵی 1341 له‌ ئاوایی بێژوێی ناوچه‌ی ئالانی سه‌رده‌شت له‌ دایك بوو، راپه‌ڕینی ساڵی 57و به‌ دوای ئه‌ودا په‌ره‌گرتنی بزووتنه‌وه‌ی شۆڕشگێڕانه‌ له‌ كوردستان ورده‌ ورده‌ وڵامی پرسیاره‌كانی هاوڕێ عه‌بدوڵڵایان دایه‌وه‌، به‌م جۆره‌ ئه‌ویش وه‌ك زۆربه‌ی تازه‌ لاوانی خه‌ڵكی كوردستان هاته‌ ناو مه‌یدانی خه‌بات و ساڵی 59 وه‌كوو هه‌ڵسووڕاوێكی یه‌كیه‌تی جووتیاران له‌ ئاوایی بێژوێ سه‌ره‌تای نیزیك بوونه‌وه‌ی به‌ كۆمه‌ڵه‌ و خه‌باتی چینایه‌تی ده‌ستی پێكرد. ساڵی 62په‌یوه‌ندی به‌ ریزه‌كانی كۆمه‌ڵه‌وه‌ گرت. رۆژی 25ره‌زبه‌ری ساڵی 62هێزه‌كانی جمهووری ئیسلامی هێرشیان هێنایه‌ سه‌ر ناوچه‌ی ئالانی سه‌رده‌شت و هاوڕێ عومه‌ر له‌ ریزی به‌رنگاری و مقاومه‌تی دژ به‌م رژیمه‌دا بوو كه‌ له‌ كاتێكدا فه‌رمانده‌هی به‌شێك له‌ شه‌ڕه‌كه‌ی به‌ ئه‌ستۆوه‌ بوو. رێكه‌وتی 27/7/62 گیانی به‌خت كرد.