هاوڕێ ره‌سولی مه‌نسووری، ساڵی 1320 له‌ ئاوایی گوڵی مه‌رزه‌نگی بۆكان هاته‌ دنیاوه‌. ساڵی 35 هاته‌ ناوجه‌رگه‌ی خه‌باتی سیاسی و ده‌ستی دایه‌ هه‌ڵسووڕانی سیاسی له‌ دژی رژیمی شا و باسی چه‌وسانه‌وه‌ی نه‌تهوییه‌تی و چینایه‌تی له‌ ناو خه‌ڵكی ناوچه‌كه‌دا ده‌كرد. ساڵی 55 له‌گه‌ڵ كۆمه‌ڵه‌ په‌یوه‌ندی گرت و به‌ هه‌ڵسووڕانی خۆی له‌گه‌ڵ كۆمه‌ڵه‌ درێژه‌یدا. له‌ شۆڕشی ساڵی 57دا به‌شداری كرد و ده‌وری گێڕا. دوای شۆڕش به‌هۆی هه‌ڵسووڕانی بێوچانی و به‌هۆی ناسراوییه‌وه‌ له‌لایه‌ن كرێكاران وه‌ك نوێنه‌ری شوورای كرێكارانی بۆكان هه‌ڵبژێر درا. له‌ هێرشی یه‌كه‌می جمهووری ئیسلامی بۆ سه‌ر كوردستان هاته‌ ناو ریزی  هێزی پێشمه‌رگه‌ی كۆمه‌ڵه‌ و له‌ ته‌واوی شه‌ڕه‌كانی به‌رگریدا به‌شداری كرد. رێكه‌وتی 20/3/62 له‌ به‌ربه‌چ دانه‌وه‌ی هێرشێكی هێزه‌كانی رژیم بۆ سه‌ر ئاوایی سه‌درئاوای بۆكان گیانی به‌خت كرد.