هاوڕێ سه‌عیدی نه‌علی ساڵی 1345 له‌ شاری میاندواو له‌دایك بوو. به‌هۆی به‌شداری كردنی له‌ شۆڕشی ساڵی 1357 له‌گه‌ڵ خه‌باتی سیاسی و هه‌روه‌ها له‌گه‌ڵ كۆمه‌ڵه‌ ئاشنا بوو. خه‌به‌رنامه‌ و نه‌شرییاتی كۆمه‌ڵه‌ی له‌نێو كرێكاران و زه‌حمه‌تكێشاندا بڵاو ده‌كرده‌وه‌. ساڵی 1361 هاته‌ ریزی پڕ له‌ شانازی پێشمه‌رگه‌كانی كۆمه‌ڵه‌وه‌. ئازه‌رمانگی ساڵی 1362 هاوڕێ سه‌عید له‌ مه‌ئموورییه‌تێكی ته‌شكیلاتی له‌ناو شاری مهاباددا كه‌وته‌ به‌ر ده‌ستڕێژی به‌كرێگیراوانی رژیم و بریندار بوو. زیاتر له‌ مانگێك له‌گه‌ڵ مه‌رگ ده‌سته‌ویه‌خه‌ بوو، سه‌ره‌نجام رۆژی 10/10/1362 به‌هۆی سه‌ختی برینه‌كه‌یه‌وه‌ گیانی به‌خت كرد. هاوڕێ سه‌عید دووهه‌مین گیانبه‌خت كردووی بنه‌ماڵه‌كه‌یه‌تی.