هاوڕێ سه‌عیدی گه‌وهه‌ری، ساڵی 1333 له‌ شاری مهاباد هاته‌ دنیاوه‌. دوای ته‌واو كردنی ته‌حسیلاتی وه‌كوو موعه‌لیم له‌ ئاوایییه‌كانی ناوچه‌كانی روانسر و مهاباد ده‌ستی به‌كار كرد، له‌ شۆڕشی ساڵی 57دا چالاكانه‌ به‌شداری كرد و وه‌ك موعه‌لیمێكی تێكۆشه‌ر له‌ هاندان و هه‌ڵخراندنی خوێندكاران و زه‌حمه‌تكێشان و هێنانیان بۆ ریزی هێزی  راپه‌ڕین ده‌وری نواند. دوای شۆڕش له‌گه‌ڵ كۆمه‌ڵه‌ په‌یوه‌ندی گرت و به‌ هه‌ڵسووڕانی خۆی له‌ ریزه‌كانی كۆمه‌ڵه‌دا درێژه‌یدا، له‌ هێرشی یه‌كه‌می جمهووری ئیسلامی بۆ سه‌ر كوردستان هاته‌ ناو ریزی پێشمه‌رگه‌ی كۆمه‌ڵه‌وه‌ و له‌ ته‌واوی شه‌ڕه‌كانی به‌رگریدا به‌شداری چالاكانه‌ كرد. رێكه‌وتی 13/1/62 له‌ به‌رپه‌رچدانه‌وه‌ی هێرشێكی هێزه‌كانی رژیم بۆ سه‌ر ئاوایی خوراسانه‌ی بۆكان گیانی به‌خت كرد.