هاوڕێ شه‌وبۆی سه‌یدزاهدی، پێش ساڵه‌كانی 57،56 له‌گه‌ڵ مه‌سایلی سیاسی ئاشنا بوو وه‌ك ژنێكی شۆڕشگێڕ و كۆمۆنیست به‌شداری له‌ خه‌باتی جه‌ماوه‌ریی له‌ ساڵی 57دا كرد. پاش راپه‌ڕینیش درێژه‌یدا به‌ هه‌ڵسووڕانی سیاسی خۆی و دژی هه‌رچه‌شنه‌ زوڵم و زۆرێك كه‌ له‌ كۆمه‌ڵگای سه‌رمایه‌داریدا به‌ دژی ژنان ده‌كرێ. ته‌بلیغی ده‌كرد و ژنانی بۆ دیفاع له‌ مافه‌كانی خۆیاندا هانده‌دا. له‌ درێژه‌ی هه‌ڵسووڕانیدا له‌لایه‌ن هێزه‌كانی جمهووری ئیسلامییه‌وه‌ گیراو خرایه‌ زیندان و به‌ دوای ئازار و ئه‌شكه‌نجه‌یه‌كی زۆره‌وه‌ له‌ رێكه‌وتی 14/2/62 له‌ زیندانی سنه‌ تیرباران كرێ.