هاوڕێ شاهینی ئێهتمایی، ساڵی 1349 له‌ شاری ئه‌هویز له‌دایك بوو. خوێندهویری هه‌تا وه‌رگرتنی دیپلوم له‌و شاره‌ درێژه‌ پێدا. وێڕای بنه‌ماڵه‌كه‌ی هاوینان ده‌چوونه‌ كوره‌خانه‌كان و كاریان ده‌كرد. سه‌ره‌تایی وشیاری و هه‌ست و هۆشی له‌ نێو ئه‌و ره‌نج و چه‌وسانه‌وه‌یه‌دا شكڵی گرت. له‌ شۆڕشه‌كه‌ی ساڵی 57دا گه‌لێك هه‌ڵسووڕاو بوو. پاش هاتنه‌ سه‌ركاری رژیمی جمهووری ئیسلامی زۆری پێ نه‌چوو كه‌ دژ به‌ كرێكاری بوونی ئه‌م رژیمه‌شی بۆ ده‌ركه‌وت و دژی ئه‌و رژیمه‌ش ده‌ستیدایه‌ خه‌بات و تێكوشان. ساڵی 59 بردیان بۆ سه‌ربازی و رهوینه‌ی كوردستانیان كرد. له‌ كوردستان له‌گه‌ڵ هاوڕێیانی كۆمه‌ڵه‌ ئاشنا بوو و وه‌ بوو به‌ لایه‌نگری كۆمه‌ڵه‌. مانگی گوڵانی ساڵی 62 بوو به‌ پێشمه‌رگه‌ی كۆمه‌ڵه‌. سه‌ره‌نجام هاوڕێ شاهین له‌ هێرشی هێزه‌كانی رژیم بۆ سه‌ر گه‌وڕكی ناوچه‌ی سه‌قز له‌ رۆژه‌كانی 13 تا15/6/1362 بریندار بوو كه‌ به‌ هۆی قورسی برینه‌كه‌ی گیانی به‌خت كرد.