به‌یادی هاوری ئه‌حمه‌دی سه‌یده‌ پیشمه‌رگه‌ی جه‌نگاوه‌ری كومه‌له‌ و ئه‌ندامی حیزبی كومونیستی ئیران

هاوری ئه‌حمه‌دی سه‌یده‌ سالی ١٣٤١ له‌ ئاوایی خوڕخوڕه‌ی شار ویرانی مهاباد له‌ خانه‌واده‌یه‌كی زه‌حمه‌تكیشدا چاوی به‌ژین پشكووت. ئه‌ویش وه‌ك هاوچینه‌كانی به‌ فه‌قرو كویره‌ وه‌ریی گه‌وره‌ بوو وه‌ توانی تا كلاسی دووهه‌می راهنمایی ده‌رس بخوینی. هه‌ر كه‌ ده‌نگی ئیعترازی خه‌لكی ئیران له‌ دژی رژیمی شا به‌رز بووه‌وه‌، وه‌ك جه‌وانیكی بیزار له‌م ژیانه‌ تاله‌، وه‌ك ئینسانیكی خوازیاری گورانی ئه‌م دنیا پر له‌ سته‌مه‌، چووه‌ ریزی ئه‌م ئیعترازاته‌ و به‌ته‌واوی هیزه‌وه‌ بو به‌رین تر كردنی ئه‌م ریزه‌ تیده‌كوشاو، له‌ شیوه‌ جور به‌جوره‌كانی ئه‌م خه‌باته‌ دا به‌شداری ده‌كرد.

پاش رووخانی رژیمی په‌هله‌وی خه‌باتی خوی هه‌روا دریژه‌ پیدا. ساله‌كانی ٥٩ و ٦٠ یه‌كیك له‌ كه‌سانی هه‌لسووراوی كومه‌له‌ بوو. پاش ماوه‌یه‌ك له‌ ئیسفه‌ندی سالی ٦٠ دا بوو به‌ پیشمه‌رگه‌ی كومه‌له‌ و له‌ یه‌كیك له‌واحده‌كانی ناوچه‌ی مهاباددا سازمان درا.

له‌سه‌ره‌تای هاوینی سالی ٦١ بو مه‌ئموورییه‌تیك چوو بو ناوچه‌ی ورمی و ٩ مانگ له‌و ناوچه‌یه‌ بوو. له‌و ماوه‌یه‌دا  مه‌سئوولی ته‌داركات بوو. پاشان گه‌رایه‌وه‌ ناوچه‌ی مهاباد و له‌وی دریژه‌ی به‌هه‌لسوورانی خوی دا.

هاوری ئه‌حمه‌د به‌ ئیمانی پته‌وی به‌ كومونیزم، هه‌ر هه‌لیكی بو هه‌لكه‌وتبایه‌ن له‌نیو زه‌حمه‌تكیشاندا ئامانجه‌ كومونیستیه‌كانی  كومه‌له‌ی ته‌بلیغ ده‌كرد و  په‌یوه‌ندیی یه‌كی قوولی له‌گه‌ل زه‌حمه‌تكیشان پیك هینابوو كه‌ وه‌ك هاوری یه‌كی دلسوز و شیلگیر و سه‌میمی ده‌یان ناسی.

هاوری ئه‌حمه‌د له‌نیو هاوریانیشیدا تیده‌كوشا كه‌ وشیاری سیاسی خوی و هاوسه‌نگه‌رانی به‌ریته‌ سه‌ر.

به‌لی: هاوری ئه‌حمه‌د كه‌ له‌ناو هاوری یانیدا وه‌ك هاوری یه‌كی كومونیست، وه‌بو زه‌حمه‌تكیشان وه‌ك یار و یاوه‌ریكی نزیك و دوستیكی دلسوز و ری نیشاندریكی شیلگیر ده‌ناسرا، پاش ماوه‌یه‌ك بووبه‌ به‌ ئه‌ندامی حیزبی كومونیستی ئیران.

هاروی ئه‌حمه‌د هه میشه تیده‌كوشا ته‌واوی هیز و توانای خوی بو به‌ریوه‌بردنی ئه‌ركه‌ ته‌شكیلاتی یه‌كانی وه گه ربخات و له‌ مه‌یدانی كاری نیزامیشدا هاوری یه‌كی جه‌سوور و فیداكار بوو.

له‌زوربه‌ی عه‌مه‌لیاته‌كانی گوردانی ٢٤ی مهاباددا به‌شداری هه‌لسووراوانه‌ی بوو. له‌وانه‌ عه‌مه‌لیاتی تیكان لووجه‌، عه‌مه‌لیاتی نیو شاری مهاباد، عه‌مه‌لیاتی وزن ده‌رێ وشه‌ری به‌رده‌مێش، ئه‌و كاته‌ش له‌ناوچه‌ی ورمێ بوو، له‌عه‌مه‌لیاته‌كانی ئه‌و ناوچه‌یه‌دا به‌شداری كرد. هاوری ئه‌حمه‌د له‌به‌ر لیهاتووی و كارزانی له‌م به‌شه‌دا، بوو به‌ معاونی فه‌رمانده‌ی ده‌سته‌. له‌زوربه‌ی عه‌مه‌لیاته‌كاندافه‌رمانده‌هی پیده‌سپیردرا. پاشان بوو به‌ فه‌رمانده‌ی ده‌سته‌.

سه‌ره‌نجام هاوری ئه‌حمه‌د له‌ شه‌ری حیزبی دیموكرات له‌گه‌ل كۆمه‌ڵه‌ له‌ ئاوایی باغلووجه‌ ریكه‌وتی ٩ی ئوردیبه‌هیشتی سالی ٦٤ كه‌وته‌ به‌ر گولله‌ و گیانی له‌ ریگای پاریزگاری له‌ ده‌سكه‌وته‌كانی زه‌حمه‌تكیشاندا به‌خت كرد.

یادی هاوری ئه‌حمه‌د به‌ده‌رس وه‌رگرتنی له‌ دلسوزی و فیداكاری یه‌كانی به‌ریز ده‌گرین.