یادی هاوری محمد ئه‌مین باقری ناسراو به‌ محمد ئه‌میني حاجیاوا له‌ناو دلی هاوری یانیدا زیندووه‌

هاوری محمد ئه‌مین سالی ١٣٤٤ له‌خانه‌واده‌یه‌كی هه‌ژار و زه‌حمه‌تكیشی ئاوایی ده‌روێش خاكی ی له‌ناوچه‌ی بیجار له‌دایك بوو. ٥ سالان بوو كه‌مالیان چوو بو شاری سنه‌. هاوری محمد ئه‌مین له‌شاری سنه‌ چووه‌ مه‌دره‌سه‌ به‌لام له‌كه‌لاسی چواره‌می سه‌ره‌تایی به‌ولاو، به‌هوی نه‌داری نه‌یتوانی دریژه‌ به‌ خویندن بدا.

ناچار ده‌ستی له‌ خویندن هه‌لگرت و شان به‌شانی باوكی ده‌ستی دایه‌ كریكاری. هه‌ر له‌و سه‌ردمه‌دا هیشتا تازه‌ لاو بوو، كه‌ هه‌موو ئازار و ژانیكی ئه‌م كومه‌لگای سه‌رمایه‌داریی یه‌ی چیشت و بی به‌شی و بی بژیوی تیكه‌ل به‌ ژیانی بوو.  

له‌ جه‌ریانی خه‌باتی جه‌ماوه‌ریی ساله‌كانی ٥٦ و ٥٧ دا وه‌ك كریكاریكی موعته‌ریز به‌شداری كرد و له‌و ده‌ورانه‌دا له‌ گه‌ل خه‌باتی سیاسی تیكه‌لاو بوو. به‌ دوای قیامدا كه‌ نه‌ته‌نیا بارودۆخی ژیانیان روو له‌ باشی نه‌بوو، به‌لكوو زیاتر روژ ره‌شی و نه‌داری به‌ربینگی پی ده‌گرتن، له‌دژی رژیمی تازه‌ پی گه‌یشتووی ئیسلامی ش ده‌ستی دایه‌ خه‌بات.

پی به‌پیی ئه‌وه‌، كه‌ راده‌ی وشیاری سیاسی ده‌چووه‌ سه‌ر، له‌ په‌یوه‌ند له‌ گه‌ل تیكوشه‌رانی شاری سنه‌دا كومه‌له‌ی ناسی و پاییزی سالی ٥٩ به‌ریزی پیشمه‌رگه‌ی كومه‌له‌ په‌یوه‌ست بوو.

 دوای ماوه‌یه‌ك له‌ هیزی شورش دا، به‌هوی لیهاتوویی ن ‌، بوو به‌ معاونی فه‌رمانده‌ی ده‌سته‌ و پاشان مه‌سئوولییه‌تی نیزامی ده‌سته‌یه‌ك له‌ پیشمه‌رگه‌كانی پی سپیردرا. سال ٦٢ له‌ گوردانی چیا سازمان دراو له‌ فه‌عالییه‌تی ئه‌و گوردانه‌دا له‌ ناوچه‌ی هه‌وشار ده‌وری به‌رچاوی گیرا.

سالی ٦٣ بو مه‌ئموورییه‌ت له‌گه‌ل واحدیك چوو بو ناوچه‌ی بانه‌ و دوای ته‌واو بوونی ئه‌و مه‌ئمورییه‌ته‌، گه‌رایه‌وه‌ بو جنووبی كوردستان.

به‌داخه‌وه‌ هاوری محمد ئه‌مین له‌جه‌ریانی شه‌ری حیزبی دیموكرات له‌گه‌ل كۆمه‌له‌ ریكه‌وتی ٩ی ئوردیبهشتی سالی ١٣٦٤ له‌ ئاوایی سیف له‌سه‌رشیوی سه‌قز گیانی به‌خت كرد وه‌ دریژه‌ی ریگای بو گه‌یشتن به‌ ئامانجی رزگاری چینه‌كه‌ی به‌ ئیمه‌ هاوری یانی سپارد.

هر بژی یادی ئازیز و خوشه‌ویستی هاوری محمد ئه‌مین باقری ناسراو به‌ محمد ئه‌مین حاجیاوا.