به‌ریز بیت یادی پیشمه‌رگه‌ی تیكوشه‌ری كومه‌له‌ هاوری محمه‌د شه‌ریفی ره‌زایی ناسراو به‌ فوئاد قه‌ره‌یان

 هاوری محمد شه‌ریفی ناسراو به‌ فوئاد كورپه‌ی خیزانیكی هه‌ژاری ئاوایی گوێزه‌ له‌ ناوچه‌ی سنه‌ بوو كه‌ سالی ١٣٤٥ له‌ دایك بوو.

هه‌ر له‌ سه‌ره‌تای مندالییه‌وه‌ ده‌ستی بچكولانه‌ وناسكی فوئاد خاراوی كار بوو. هه‌ر وه‌ك دلیشی له‌ گه‌ل به‌ره‌وپیش چوونی ته‌مه‌نیدا له‌ده‌س ئه‌م نیزامه‌ سه‌راپا مه‌ینه‌ته‌ توی توی و زامدار بوو.

دوای ماوه‌یه‌ك ره‌وانه‌ی مه‌دره‌سه‌ كرا، به لاًم كوا له‌ چوار چیوه‌ی ئه‌م نه‌زمه‌ گه‌نده‌له‌دا منداله‌ هه‌ژاره‌كان مه‌یدانی گه‌شه‌ كردن و ده‌روازه‌ی دنیای به‌خته‌وه‌ریی یان به روودا‌ ده‌كریته‌وه‌. هه‌ر بۆیه‌ فوئادیش له‌ كه‌لاسی دووهه‌می راهنمایی به‌و لاوه نه‌یتوانی درێژه‌ به‌ خویندن بدا.

ئه‌و چه‌ند ساله‌ش له‌ ناو دلی فوئاد دا ته‌بعیز، هه‌ژاری، بی خانه‌ولانه‌یی و كه‌لیك گیروگرفتی كومه‌لگای سه‌رمایه‌داری قورساییان ده‌كرد. هه‌ر له‌ به‌ر ئه‌وه‌ بوو كاتیك جوولانه‌وه‌ی سه‌راسه‌ری دژی رژیمی په‌هله‌وی ده‌ستی پیكرد، فوئاد وه‌ك كه‌لینیک  هیوای رووناكی لی به دی کردو به‌ دنیایه‌ك قین و بیزاری یه‌وه‌ به‌شداری تیدا كرد.

حكوومه‌تی په‌هله‌وی رووخا.  ج.ا  هاته‌ سه‌ركار. دیسانه‌وه‌ش هه‌ر وه‌ك پیشوو، بگره‌ ناخوش تر له‌وه‌ش، به‌شی زه‌حمه‌تكیشان هه‌رهه‌مان بوو كه‌ پیشتر بوو.

فوئادیش نه‌ ته‌نیا به‌ ئاواته‌كانی نه‌گه‌یشت، به‌لكوو هیواكانیشی له‌م ره‌وته‌دا، داپلوسێنران. 

سال هه‌ر وا هاتن وچوون، تازه‌ ٣ سال به‌سه‌ر ته‌مه‌نی ره‌شی ج.ا دا تی په‌ریبوو كه‌ هاوینی سالی ٦٠ هاوری فوئاد ته‌سمێمی خوی گرت و هات بو پیشمه‌رگایه‌تی.

هاوری فوئاد قه‌ره‌یان ده‌وره‌ی ئامووزشی به‌ سه‌ركه‌وتوویی ته‌واو كرد. ئیتر له‌وه‌ به‌ دواوه‌ له‌گه‌لیك مه‌یدان و شویندا كاری پی سپێردراو دلسووزانه‌ به‌ریوه‌ی بردن. له‌و ماوه‌ی كه‌ له‌ په‌لی شه‌هید حه‌مید دا له‌ مه‌نته‌قه‌ی ساراڵ سازمان درا، هه‌تا مه‌ئموورییه‌تی بو ئا لانی سه‌رده‌شت له‌ پاییزی ٦٢ دا و هه‌تا گه‌رانه‌وه‌ی بو داڵاهۆ، هاوری فوئاد له‌ حالی فیربوونی عیلمی خه‌باتی چینی كریكار و كومه‌لانی زه‌حمه‌تكیشه‌دا بوو.

هاوری فوئادی قه‌ره‌یان له‌زور ناوچه‌ی كوردستان چووه‌ ناو خه‌لك، له‌گه‌ڵ دوژمن شه‌ری كرد و له‌زور كاتی دژواردا سه‌ربه‌رزانه‌ هاته‌ ده‌ر.

شه‌ره‌كانی ئالان له‌ ناوچه‌ی سه‌رده‌شت، شه‌ره‌كانی قه‌ڵا زنجیر له‌ داڵاهو ، شه‌ر له‌گه‌ڵ گووروهی زه‌ربه‌ت له‌ جاده‌ی مه‌ریوان- سنه‌، شه‌ره‌كانی كه‌ڵاته‌رزان و زور مه‌یدانی تر، ئه‌و مه‌یدانانه‌ن كه‌ هاوری محمد شه‌ریفی ره‌زایی ناسراو به فوئاد قه‌ره‌یان چالاكی تیدا نواند.

به‌ داخه‌وه‌ پیش ئه‌وه‌ی به‌هاری ئاوانی هاوری فوئاد گول ده‌ر بكا، له‌ روژی ١١ی فه‌روه‌ردینی سالی ٦٤ دا له‌ جه‌ریانی شه‌ری حیزبی دیموكرات له‌گه‌ل كومه‌له‌ له‌جنووبی كوردستان به‌ دیل گیراو پاشان ئیعدام كراو گیانی ئازیزی له ریگای ئازادی وسوسیالیسم دا به‌خت كرد.

یادی هاوری محمد شه‌ریفی ره‌زایی ناسراو به‌ فوئاد قه‌ره‌یان له‌ دلماندا زیندووه‌ ریگای پر ریبوار.