به‌یادی پیشمه‌رگه‌ی شورشگیری كۆمه‌له‌هاوری مووسا سه‌عیدی ناسراو به‌مووسای ئه‌ویهه‌نگ

هاوری مووسا ئه‌ویهه‌نگ كورپه‌ی باوه‌شی خیزانیكی هه‌ژار و زه‌حمه‌تكیشی ئاوایی ئه‌ویهه‌نگ له‌به‌شی ژاوه‌روی ناوچه‌ی سنه‌بووه‌زور ئاسایی ده‌نوینی كه‌ژیانی ئه‌م هاوری یه‌ش له‌سه‌ر ده‌می مندالیدا وه‌ك زوربه‌ی مندالانی زه‌حمه‌تكیش لێواولێوی ره‌نج وكویره‌وه‌ریی و بی به‌شی بوو بێ.

هاوری مووساش له‌راستی دا دوای ئه‌وه‌كه‌چاوی به‌ژین پشكووت، پی نایه‌ناو بواریك له‌ژیان كه‌هه‌رچی لاپه‌ره‌ی لێ هه‌لده‌یته‌وه‌، بیجگه‌له‌كاری بی پسانه‌وه‌، ژیانی ناهه‌موار، بی بژیوی و بی ئیمكاناتی، هیچی تری تیدال به‌دی ناكه‌ی.

كاك مووسا سه‌ره‌رای وه‌زعی تالی ژیانی، هه‌ر له‌ئاوایی یه‌كه‌ی خویان هاتووچوی مه‌دره‌سه‌ی كردو، سه‌رده‌می راپه‌رینی سالی ٥٧ له‌مه‌دره‌سه‌ی راهنمایی دا دریژه‌ی به‌خویند ده‌دا. له‌گه‌ل تریك بوونه‌وه‌ی قیام و سه‌ر هه‌لدانی ئیعترازاتی جه‌ماوه‌ریی و جم وجولی شورشگیرانه‌ی خه‌لك، مووساش وه‌ك ئه‌وه‌ی ئاواته‌خنكیندراوه‌كانی ژیانی پر له‌ره‌نج و كویره‌وه‌ری وه‌دی بینی، به‌گه‌رمی به‌شداری له‌و ئیعترازاته‌دا ده‌كرد كه‌دژی كونه‌په‌ره‌ستان وسه‌ركوتگه‌رانی ژاندارمری له‌ئه‌ویهه‌نگ هه‌لگیرسابوون و به‌دوای قیامدا زیاتر له‌گه‌ل خه‌باتی سیاسی تیكه‌لاو بوو.

به‌داوی قیامدا و به‌ناسینی ماهیه‌تی ج. ا وازی له‌خه‌بات نه‌هیناو له‌م بوارانه‌دا وه‌كوو پیك هینانی كتیبخانه‌یه‌ك له‌گه‌ل كومه‌لیك له‌لایه‌نگرانی كومله‌له‌ئه‌ویهه‌نگ، به‌شداری ئیعترازات له‌دژی كونه‌په‌ره‌ستان، یارمه‌تی به‌ته‌حه‌سونی خه‌لكی سنه‌له‌ئوستانداری و ته‌بلیغی به‌رده‌وام بو راكیشانی پیشتیوانی خه‌لكی ئه‌ویهه‌نگ له‌و ته‌حه‌سونه‌تیكوشا.

هاوری مووسا چ ئه‌و كاته‌ی كه‌پیشمه‌رگه‌ی كومه‌له‌له‌ئه‌ویهه‌نگ مقه‌ریان بوو وه ‌چ ئه‌و سه‌رده‌مه‌كه‌ژاوه‌رو له‌لایه‌ن رژیمی ج. ا یه‌وه‌داگیر كرا، وه‌ك هه‌لسووراویكی كومه‌له‌، له‌ته‌بلیغی سیاسه‌ت و ئامانجه‌كانی كومه‌له‌وازی نه‌هینا، وه‌له‌هه‌مان كاتدا بو بردنه‌سه‌ری وشیاری سیاسی خوی تیده‌كوشا.

دوای داگیركرانی ژاوه‌رود، چووه‌شاری ده‌ماوه‌ند و له‌وی ده‌ستی دایه‌كریكاری. له‌ویش هاوچینه‌كانی خوی دوزییه‌وه‌و هه‌ر له‌سه‌ر ره‌وتی پیشوو، دریژه‌ی به‌ته‌بلیغی سیاسه‌ته‌كانی كومه‌له‌و ئاشنا كردنی زه‌حمه‌تكیشان به‌و ریبازه‌، دا.

سالی ٦٢ گه‌رایه‌وه‌كوردستان و به‌یه‌كجاری به‌ریزی پیشمه‌رگه‌ی كومه‌له‌په‌یوه‌ست بوو. دوای ته‌واوكردنی ده‌وره‌ی ئامووزشی سیاسی - نیزامی، له‌په‌لی شه‌هیدانی ژاوه‌رودا سازمان درا.

دوای ماوه‌یه‌ك كاك موسا له‌گه‌ل هاوری یانی چووه‌ژاوه‌رو و كه‌پاته‌رزان. مووسا خوشه‌ویستی هاوسه‌نگه‌رانی بوو. هاوری مووسا جه‌نگاوه‌ریكی مه‌یدانی نیزامیش بوو وه‌له‌زوربه‌ی عه‌مه‌لیاته‌كانی گوردانی ئاریز له‌جاده‌ی مه‌ریوان - سنه‌و گرتنی پایگای گه‌وره‌ی ئه‌ویهه‌نگ، گرتنی پایگای نجی سالی ٦٢، شه‌ری گه‌وره‌ی ته‌ینال وه‌به‌ر په‌رچدانه‌وه ى‌هیرشی به‌ربلاوی دوژمن بو جنووبی كوردستان له‌به‌هاری ٦٣دا، هه‌لسووراوانه‌به‌شداری كرد.

ئاخرین مه‌یدان قاره‌ماینه‌تی هاوری موسا شه‌ری حیزبی دیموكرات له‌گه‌ل كومه‌له‌له‌نه‌رمه‌لاس بوو كه‌به‌توندى بریندار بوو و به‌داخه‌وه‌به‌هوی كاری بوونی برینه‌كه‌ی دوای ٢٤ سه‌عات گیانی له‌پیناو ئامانجه‌كانی خوی و كومه‌لانی زه‌حمه‌تكیش و به‌ش مه‌ینه‌ت تاندا به‌خت كرد.

یادی هاوری مووسای سه‌عیدی ناسراو به‌مووسای ئه‌ویهه‌نگ به‌دریژه‌دان به‌ریگای پیروزی به‌ریز ده‌گرین.