به‌یادی پیشمه‌رگه‌ی جه‌سووری كومه‌له‌ هاوری ناسری سه‌فه‌ری ناسراو به‌ ناسری ره‌شیدئاوا

هاوری ناسری سه‌فه‌ری ناسراو به‌ ناسر ره‌شیدئاوا هیشتا لاو بوو كه‌ هات بو پیشمه‌رگایه‌تی كومه‌ ڵه‌. له‌یه‌كه‌م دیداری دوای چه‌كدار بوونی له‌ گه‌ل خانه‌واده‌كه‌یدا كه‌ ئیستاش له‌ بیر هاوسه‌نگه‌رانی نه‌چوه‌ته‌وه‌، ئاوای وت:

من نامه‌وی له‌ به‌رانبه‌ر ئه‌و گشته‌ زولمه‌ و زوره‌ی سه‌رمایه‌داریدا سه‌ر نه‌وی بكه‌م. من به‌عه‌لاقه‌وه‌، چه‌كی پیشمه‌رگایه‌تی كومه‌له‌م كردوه‌ته‌ شان وه‌ ئه‌وه‌ یه‌كیك له‌ ئاواته‌كانم بوو كه‌ روژیك له‌روژان شانازی، بوون له‌گه‌ل ئه‌و ریزه‌م پی بدری. من هه‌ر له‌ سه‌ره‌تای ژیانمه‌وه‌ زوربه‌ی ده‌ردو ره‌نجی ئه‌م ژیانه‌ی ئیستای زه‌حمه‌تكیشانم هه‌ست پیكردو، وئیستا ئاسوی رزگاریم له‌ ریبازی كومه‌له‌دا دیته‌وه‌.

هاوری ناسری سه‌فه‌ری لاویكی به‌ ئیراده‌ - مه‌حكه‌م و پته‌و بوو وه‌ له‌سه‌ر ئامانجی چینایه‌ تی  حیزبه‌ كه‌ی سورو وپی داگربوو. خوی له‌ناخی زه‌حمه‌تكیشانه‌وه‌ هه‌لقولیبوو وه‌ هه‌ر له‌و سه‌رده‌مه‌وه‌ كه‌له‌ ئاوایی ره‌شید ئاوای ناوچه‌ی دیوانده‌ره‌وه‌ چووه‌ مه‌دره‌سه‌ و چاوی به‌ ژیانی ده‌ور وبه‌ری كرایه‌وه‌، له‌گه‌ل ره‌نج و مه‌ینه‌تی هه‌ژاره‌كان تیكه‌لاو بوو.

هاوری ناسر دوای ئه‌وه‌یكه‌ قیامی خه‌لكی ئیران دژی رژیمی شا سه‌ركه‌توانه‌كوتای پیهات و شورشی وكوردستان بلیسه‌ی سه‌ند، له‌ ژیر تیشكی ئه‌و شورشه‌دا كه‌ كوردستان كه‌ش وهه‌وایه‌كی ئازادی به‌خویه‌وه‌ دیت، ئه‌و ده‌م بوێ ئاشكرا بوو كه‌ ئه‌م جیهانه‌ به‌راوه‌ ژووه‌ وه‌ له‌سه‌ر ره‌وتی واقعی خوی ناگه‌ری. بوی ده‌ركه‌وت كه‌ خولقینه‌ری هه‌موو نیعه‌مه‌ته‌كان ئه‌م جیهانه‌ كومه‌لانی كریكارو زه‌حمه‌تكیشن كه‌چی خویان لی بی به‌رین. هه‌ر له‌به‌ر ئه‌وه‌ بوو كه‌هاوری ناسریش زور زوو توانی ناوه‌روكی رژیمی ج.ا ش بناسی وله‌ دژی ئه‌و رژیمه‌ش په‌یمانی خه‌بات كارانه‌ی نویكاته‌وه‌ .

هاوری ناسری سه‌فه‌ری بوو به‌ هه‌لسووراوی كومه‌له‌و وه‌ك لاویكی وشیار له‌سه‌ر ئامانج وسیاسه‌ته‌كانی  قسه‌ی بو خه‌لك ده‌كرد. دروونی خوروشان وبه‌رزه‌فری هاوری ناسر، ئوقره‌ی نه‌گرت و له‌هاوینی سالی ٦٢دا هاته‌ نیو ریزی پیشمه‌رگه‌كانی كومه‌له‌وه‌.

  هاوری ناسر شه‌هامه‌ت وجه‌ساره‌تیكی  نیزامی به‌رزی تی دابووو له‌ هه‌ر شه‌ریك دا به‌شداری كردبا، ده‌وری به‌رچاوی ده‌گیرا.

له‌گه‌لیك مه‌یدانی خه‌باتدا له‌به‌شی نیزامی یه‌وه‌، هه‌تا ده‌سته‌ی ریكخستن كاری پی سپیردراوچالاكی نواند، دلسوزی كردو وه‌فاداری خوی به‌ ئامانجی به‌رزی نیشاندا.

بو دوایین جار هاوری ناسر له‌ سه‌رشیوی سه‌قز له‌جه‌ریانی شه‌ری هیزه‌كانی حیزبی دیموكرات له‌گه‌ل كومه‌له‌ روژی ١١ی فه‌روه‌ردینی سالی ٦٤ به‌ بریندار گیراو دواتر گیانی به‌خت كرد.

له‌گه‌ل ریز گرتن له‌ یادی هاوری ناسری سه‌فه‌ری ناسراو به‌ ناسر ره‌شید ئاوای له‌سه‌ر ریگای به‌ده‌وامین.