به‌ یادی هاوری سه‌عیدی ره‌حمانپوور زه‌حمه‌تكیشی وشیار و خوشه‌ویستی پیشمه‌رگه‌كانی كومه‌له‌

هاوری یه‌كمان له‌ بیره‌وه‌ریی یه‌كانی سه‌باره‌ت به‌و روژه‌كه‌ هاوری سه‌عیدی ره‌حمانپوور هاتبوو بو پیشمه‌رگایه‌تی ده‌گیریته‌وه‌:

له‌ئاوایی كه‌ریم ئاوای ناوچه‌ی سه‌قز، تووشی ده‌سته‌ی سازمانده‌ی به‌شی فیزاله‌ به‌گی هاتین. لاویكیان له‌گه‌لدا بوو كه‌ دیار بوو بو پیشمه‌رگایه‌تی هاتبوو. لاویكی جدی و خوین گه‌رم بوو. دوای وچانیك سه‌ری قسه‌مان له‌گه‌لدا كرده‌وه‌. له‌ ولامی ئه‌و پرسیاره‌ دا كه‌ چون بوو هاتی بو پیشمه‌رگایه‌تی كومه‌له‌، وتی:

من كریكاریكم و ده‌رد و ره‌نجی كومه‌لگای سه‌رمایه‌داریم به‌ ره‌گ وپیسته‌وه‌ چیشتوه‌.

له‌كومه‌له‌ش ئه‌وه‌ فیر بووم و باوه‌رم پی هیناوه‌ كه‌ته‌نیا ریگای رزگاری له‌م مه‌ینه‌ت و ره‌نجه‌، خه‌بات و تیكوشانه‌.

هاوری سه‌عیدی ره‌حمانپوور سالی ١٣٤٠ له‌ ئاوایی  خه‌ییه‌ری سه‌رشیوی سه‌قز له‌ كوشی خانه‌واده‌یه‌كی هه‌ژار و كریكاری دا له‌ دایك بوو. ته‌مه‌نی مندالی بو ئه‌و سه‌رجه‌م ره‌نج وكار بوو. باوكی زوربه‌ی ته‌مه‌نی به‌ كریكاری تی په‌ر كردبوو.

زور شه‌وی سارد له‌ به‌ر باران خووساو زور روژی دریژ به‌ شاخ و ته‌لانه‌وه‌ خه‌ریكی شوانی بوو. به‌م حاله‌ش ئه‌م ژیانه‌ نه‌یده‌توانی بژیوی مالیان دا بین بكا. هه‌ر چه‌ند ماوه‌ی چه‌ند سالیك چووه‌ مه‌دره‌سه‌ و تا راده‌یه‌ك خوینده‌واریی په‌یدا. كرد بوو، به‌لام دواتر به‌ هوی ده‌سته‌نگی یه‌وه‌ ده‌ستی له‌ خویندن هه‌لگرت و یه‌كجاری به‌خیلی كریكارانی په‌یوه‌ست بوو. بو كاركردن رایی شاره‌كانی ده‌ره‌وه‌ی كوردستان بوو. به‌دوای قیامدا هاوری سه‌عید كه‌ له‌جه‌ریانی خه‌باتی جه‌ماوه‌ریی دا له‌ گه‌ل خه‌باتی سیاسی تیكه‌ڵ بوو، و وه‌ك فه‌عالی كومه‌له‌ ده‌ستی دایه‌ تیكوشان.

له‌سه‌ره‌تای شورشی چه‌كدارانه‌ی كوردستاندا ماوه‌یه‌ك له‌ناو ریزی پیشمه‌رگه‌كانی كومه‌له‌ دا پیشمه‌رگایه‌تی كرد. به‌لام به‌هاری سالی ٦١ به‌ هوی وه‌زعییه‌تی خانه‌واده‌گی یه‌وه‌ ماوه‌یه‌ك چووه‌ نیو جامعه‌ و ده‌ستی كرده‌وه‌ به‌ كریكاری. ئه‌و ماوه‌یه‌ش هه‌ر به‌ رده‌وام له‌ ناو هاوچاره‌نووسه‌كانیدا سیاسه‌ت و ئامانجی كومه‌له‌ی ته‌بلیغ ده‌كرد. له‌به‌ر ئه‌وه‌ كه‌ وه‌ك كریكاریكی وشیار تووی وشیاری ده‌برده‌ ناو كریكاران، له‌ناو دوست و ئاشناكانیدا روخساریكی ناسراو بوو. هاوری سه‌عید سه‌ر له‌نوی سه‌ره‌تای مانگی شه‌هریوه‌ری سالی ٦٤ به‌ مه‌به‌ستی په‌یوه‌ست بوونه‌وه‌ به‌ ریزی پیشمه‌رگایه‌تی كومه‌له‌ چوو بو لای ده‌سته‌ی سازمانده‌ی به‌شی فه‌یزاله‌ به‌گی.

له‌و ماوه‌یه‌دا كه‌ له‌گه‌ل ئه‌و هاوری یانه‌ بوو، له‌ناو زه‌حمه‌تكیشانی فه‌یزاله‌ به‌گی داگه‌لیك دوست وئاشنای په‌یدا كرده‌ ته‌شكیلات ده‌یهه‌ویست بینێری بو مه‌ركه‌زی ئامووزشی پیشمه‌رگایه‌تی وده‌وره‌ببینی. شه‌وی ٢ی مهیری سالی ١٣٦٤ له‌گه‌ل واحدیك له‌پیشمه‌رگه‌كانی گوردانی ٢٦ی سه‌قز له‌ ئاوایی پاشبڵاغ خه‌ریكی ئیسراحه‌ت بوون كه‌ له‌ لایه‌ن هیزه‌كانی حیزبی دمكراته‌وه‌ هیرشیان كرایه‌ سه‌ر و پاش چه‌ند سه‌عات شه‌ر به‌ داخه‌وه‌ گیانی به‌خت كرد و ریگای پیروزی هه‌تا سه‌ركه‌وتن بو ئیمه‌ به‌جی هیشت.

بژی یادی ئازیزی هاوری سه‌عیدی ره‌حمانپوور.