به‌ریز بێ یادی ئازیزی هاوریی گیان به‌خت كردوومان هاورێ عه‌لی ره‌شید پوور ناسراو به‌عه‌لی چاوشین ئه‌ندامی كارامه‌ی حیزبی كۆمۆنیستی ئیران و فه‌رمانده‌ی جه‌سووری كۆمه‌له‌

هاورێ عه‌لی ساڵی ١٣٤٣ له‌خێزانێكی هه‌ژار و زه‌حمه‌تكیشی شاری سه‌قز له‌ دایك بوو. بێ به‌شی ومه‌حروومییه‌تێك كه‌ ئه‌م نیزامه‌ به‌ سه‌ر خیزانه‌كه‌یانی دا سپاندبوو، له‌ هه‌مان سه‌ره‌تاوه‌ له‌ سه‌ر وه‌زعی ژیان و دوا رۆژی ئه‌و ته‌ئسیری دانا. به‌ هۆی ده‌ست ته‌نگی یه‌وه‌ ته‌نیا تا ساڵی پێنجه‌می سه‌ره‌تایی ده‌رسی پێ خوێندرا. له‌م و به‌ دوا وه‌ك مناڵه‌ كرێكارێك بۆ دابین كردنی خه‌رجی ماڵ ده‌ستی به‌كریكاری كرد. سه‌رده‌می لاوی یه‌تی به‌ شاگرد نه‌جاری، قاوه‌چی یه‌تی و شاگردی له‌ ددان پزشكی دا تێپه‌ر كرد. چه‌رمه‌سه‌ری یه‌وه‌ هه‌ر جاره‌ له‌ شوینی و هه‌ر كات بۆ بنه‌ماڵه‌یه‌ك كار كردن، چه‌وسانه‌وه‌ له‌ ژیانی ئاسایی و رۆژانه‌ی بۆ مانا كرده‌وه‌.

له‌ گه‌ڵ سه‌رهه‌ڵدانی خه‌باتی جه‌ماوه‌ری له‌ دژی رژیمی شا، عه‌لی یش وه‌ك كریكاریكی بێزارله‌م بارودۆخه‌ی ژیان و هیوای دوا رۆژی رووناك، به‌ گه‌رمی به‌شداری كرد. جمهوری ئیسلامی ش به‌زوویی بۆ ئه‌و ناسراو په‌یمانی درێژه‌ی خه‌باتی له‌ دژی ئه‌و رژیمه‌ش به‌ست و له‌گه‌ڵ ده‌ست پێكردنی هه‌ڵسوورانی هێزه‌ سیاسیه‌كان، به‌ رژه‌وه‌ندی چینایه‌تی خۆی له‌ نێو ریباز و سیاسه‌ته‌ كۆمۆنیسته كانی ‌ كۆمه‌ڵه‌دا دیته‌وه‌ و په‌یوه‌ندی له‌ گه‌ڵ گرت.

هه‌تا ساڵی ٦٠ له‌ ته‌شكیلاتی نهێنی شاردا سازمان درا. له‌و ساڵه‌و ئیدی به‌ریزی ته‌شیكلاتی عه‌له‌نی په‌یوه‌ست بوو و تێكۆشانی خۆی وه‌ك پیشمه‌رگه‌ دریژه‌ پێدا. هاوری عه‌لی به‌ پیی خسووسییاتی شورشگیرانه‌ی به‌زوویی سه‌نجی هاورێ یانی بۆ لای خۆی راكێشا و بوو به‌ خۆشه‌ویستیان.

جه‌ساره‌تی نیزامی وكارزانی ئه‌و له‌و مه‌یدانه‌شدا به‌دوای ماوه‌یه‌ك دا ئه‌وی كرد به‌ كه‌سێكی جێ هیوا بۆ ته‌شیكلات.

ئه‌و ئامانجی خۆی به‌باشی ده‌ناسی و بروای به‌ سه‌ركه‌وتنی كریكاران و زه‌حمه‌تكیشان وگۆرینی ئه‌م نیزامه‌ هه‌بوو. هه‌ر بۆیه‌ش له‌ جی به‌ جێ كردنی هه‌ر ئه‌ركێك كه‌ پێی ده‌سپێردرا، هه‌رگێز ئاسۆی هیوای لێل نه‌ده‌بوو و بۆ گه‌یشتن به‌ دوا رۆژیكی كامه‌ران به‌و په‌ری توانایه‌وه‌ تێده‌كۆشا.

به‌ڵی ئیتر عه‌لی ئه‌ندامی حیزبی كۆمۆنیستی ئيران و مه‌سئوولی سیاسی نیزامی ده‌سته‌یه‌ك له‌هاوری یانی پیشمه‌رگه‌ی بوو. له‌ده‌یان شه‌ری حه‌ڕماسی وگه‌وره‌ و بچووك دا چ وه‌ك پیمشه‌رگه‌یه‌كی جه‌سوور و چ وه‌ك فه‌رمانده‌یه‌كی كارزان به‌شداری كرد و ده‌وری نواند.

به‌ داخه‌وه‌ ئه‌وهاورێ كۆمۆنیسته‌مان ئه‌و كریكاره‌ وشیاره‌ ریكه‌وتی ١١ی موردادی ٦٥ له‌ جه‌ریانی شةرى حیزبی دیموكرات، له‌ گه‌ڵ كۆمه‌ڵه‌ له‌ نیوان ئاوایی یه‌كانی "مه‌ولاناوا" و "ماسیه‌ری شێخ" له‌ به‌شی خوڕخوڕه‌ دا كه‌وته‌ به‌ رگولله‌ و گیانی له‌ پێناو ئامانجی به‌رزی كریكاران و دیفاع له‌ ئازادی دا به‌خت كرد.

یادی هاوری عه‌لی ره‌شید پوور ناسراو به‌عه‌لی چاوشین به‌رز و ریگای پڕ ریبوار بێ.