به‌رز و به‌ریز بی یادی هاوری خۆشه‌ویست خالیدی كۆنه‌پۆشی تیكوشه‌رو هه‌لسووراوی كۆمه‌له‌

 هاوری خالید سالی ١٣٤١ له‌ئاوایی "بایه‌وه‌ی مه‌ریوان" له‌دایك بووه‌ . ده‌ورانی منالی و لاوی هاوری خالید تیكه‌ل به‌ ره‌نج و كاری تاقه‌ت پرووكێنی ناو مه‌زرا بوو. دواتر و چه‌ند ساڵ به‌ر له‌ قیام بۆ دابین كردنی بژیوی خانه‌واده‌که‌ی ، وه‌ك كاروانچی سنووری ئیران و عیراقی ده‌به‌زاند و به‌م شیوه‌یه‌ به‌شیك له‌ خه‌رجی بنه‌ماڵه‌که‌ی تامین ده‌كرد. دوای قیام و كاتیك هێزه‌سیاسیه‌کان هه‌ڵسورانی ئاشکرای خویان ده‌ست پێکرد  ،ئاوات وئامانجه‌کانی خوی له‌سیاسه‌ت ورێبازی کۆمه‌ڵه‌دا دێته‌وه‌ و له‌ سالی ٥٩وه‌، وه‌ك هه‌لسووراوی كۆمه‌له‌ ده‌ستی به‌هه‌لسوورانی سیاسی كرد. هاوری خالیدی كۆنه‌پۆشی له‌ جه‌ره‌یانی كار و هه‌لسوورانی شۆرشگیرانه‌یدا نموونه‌ی زه‌حمه‌تكیشیكی وشیار و تیكۆشه‌ر، فه‌عالیكی كومونیست و به‌ده‌ربه‌ست بوو. هاوری خالید هه‌میشه‌ له‌و كه‌سانه‌ بووه‌ كه‌ به‌رده‌وام بۆ جی به‌ جی كردنی ئه‌رك و كاری ته‌شیلاتی ئاماده‌ بو وه‌ هه‌ر كاریك پیی سپیردرابا به‌ دل و به‌گیان به‌ ریوه‌ی ده‌برد.

مه‌رگی سه‌به‌رزانه‌ی و جساره‌تی كه‌م وینه‌ی ، تێکوشانی بێ وچانی هاوری خالید، كه‌ به‌ راست ره‌نگدانه‌وه‌ی ئێنسانێکی تێکۆشه‌رو زه‌حمه‌تكیشیكی وشیارو كومونیسته‌  که‌ له‌قوڵایی دڵیه‌وه‌ باوه‌ری  به‌ سه‌ر كه‌وتنی چێنی کرێکار و سوسیالیزم بوو، یه‌كیك له‌و نموونانه‌یه‌ كه‌ بێ گومان له‌ میژوویی خه‌باتی سه‌ر به‌ خۆی چینی كریكار دا سه‌بت ده‌كری و له‌ بیر ناچیته‌وه‌. دوو رۆژ به‌ر له‌وه‌ گیانی به‌خت بكا له‌گه‌ڵ واحیدیك له‌هاورییانی پیشمه‌رگه‌، له‌ نیوان ئاوایی یه‌كانی "بایه‌وه‌ و باشماخ" تێپه‌ر ده‌بوون، چوو به‌ سه‌ر مین دا و به‌ سه‌ختی بریندار بوو. له‌و ماوه‌یه‌دا كه‌ هاوری خالید له‌ ژیر موعالجه‌دا بوو، یه‌كجاریش له‌رووخساری دا هه‌ست به‌ بێ ئیراده‌یی و لاوازیی نه‌كرا، ته‌نانه‌ت هاورییانی ده‌وروپشتی دلخۆشی ده‌دایه‌وه‌ و، له‌ یه‌ك به‌ یه‌كی حه‌ره‌كاتیدا ئیمان و هیوا به‌سه‌ركه‌وتن به‌ دی ده‌كرا. به‌ داخه‌وه‌ به‌ هۆی سه‌ختی برینه‌كه‌یه‌وه‌، سه‌ره‌رای هه‌ول وتێکوشانی هاورێیانی تێمی پزشکی ، زیاتر نه‌یتوانی بۆوه‌دێهێنانی ئامانجه‌کانی تێبکوشی ، ریكه‌وتی ١٨ی خاکه‌لێوه‌ی ساڵی ٦٥ به‌ یه‌كجاری چاوی سه‌ر یه‌ك ناو و به‌ جیی هیشتین. بێ شك ریگای هارێ خالید له‌ لایه‌ن سه‌دان و هه‌زاران زه‌حمه‌تیكشی تره‌وه‌ دریژه‌ ده‌درێت.

یادی به‌رز و ریگای پر رێبوار بێ.