به‌ یادی هاوری ئه‌رسه‌لانی سه‌عاده‌تمه‌ند ئه‌ندام و هاوری لیهاتووی حیزبی كۆمۆنیستی ئێران و پیشمه‌رگه‌ی فیداكاری كۆمه‌ڵه‌

هاوری ئه‌رسه‌لان لاویكی خه‌لكی شاری سنه ‌و له‌ دایك بووی سالی ١٣٣٩ بوو. هه‌ر له‌م شاره‌ چووه‌ مه‌دره‌سه‌ و به‌ره‌ به‌ره‌ له‌ كاتی ده‌رس خویندندا له‌ گه‌ڵ دنیای ده‌وروبه‌ری ئاشنا بوو. له‌ سه‌ره‌تای ده‌یه‌ی ٥٠ دا كه‌ كومه‌لگای ئێران تووشی بوحرانیكی قوولی ئابووری ببوو وه‌ خه‌فه‌قان و سه‌ركوتی پولیسی له‌ كومه‌لگای ئێراندا په‌ره‌ی سه‌ندبوو وه‌ نیشانه‌كانی خه‌بات و موبارزه‌ به‌ دژی ئه‌م وه‌زعه‌ خه‌ریك بوو سه‌ری هه‌له‌ه‌دا، هاوری ئه‌رسه‌لانیش كه‌ عیشق به‌ رزگاری خه‌لكی زه‌حمه‌تكیش له‌ ووجودی دا ریشه‌ی دا كوتا بوو، كه‌وته‌ هه‌ول بو ناسینی زیاتری ریشه‌كانی چه‌وساندنه‌وه‌ی خه‌لكی زه‌حمه‌تكیش و هه‌ر به‌م مه‌به‌سته‌ رووی كرده‌ گه‌ره‌كه‌ هه‌ژار نشینه‌كان و وه‌كوو دوستیكی دلسوز و وه‌فاداریان چووه‌ ناو ره‌نج و ئازاره‌كانیان.

هه ر‌ له‌م ده‌ورانه‌دا هه‌ر چی زیاتر له‌ گه‌ل كور و كومه‌لی جوراوجوری رووناكبیری ئاشنا بوو و هه‌ر چی زیاتر له‌ گه‌ل مه‌سایلی سیاسی تیكه‌لاو بوو. هاوری ئه‌رسه‌لانی سه‌عاده‌تمه‌ند، سالی ٥٦ له‌ ریگای هاوریی گیانبه‌خت كردوو سه‌لاحی گوڵچینی له‌ گه‌ل ده‌سته‌ی ئارمانی زه‌حمه‌تكیشان په‌یوه‌ندی گرت و هه‌لسوورانی شورشگیرانه‌ی خوی په‌ره‌ پیدا.

له‌ جه‌ریانی راپه‌رینی شكوداری سالی ٥٧ دا هاوری ئه‌رسه‌لان یه‌كیك له‌و لاوه‌ هه‌لسوور و تیكوشه‌رانه‌ بوو كه‌ له زوربه‌ی ئیعترازه‌كان، مانگرتنه‌كان و میتینگه‌كان دا به‌شداری كرد و بو سازمان دان و رابه‌ری كردنی ئه‌و حه‌ره‌كه‌تانه‌ تیده كوشا. له‌ هه‌مان كاتدا سه‌ره‌رای به‌شداری كردن له‌ خه‌باتی خه‌لكی شورشگیری شاری سنه‌، ده‌چووه‌ شاره‌كانی دیكه‌یش و شان به‌ شانی زه‌حمه‌تكیشانی ئه‌و شارانه‌ش جه‌سوورانه‌ له‌ ئیعتراز و ناره‌زایه‌تی یه‌كاندا به‌شداری ده‌كرد و له‌ جه‌ریانی یه‌كیك له‌و خوپیشاندانانه‌دا له‌ شاری تاران بریندار بوو.

به‌شداری جه‌سوورانه‌ و نه‌ترسانه‌ی هاوری ئه‌رسلان سه‌عاده‌تمه‌ند له‌ گرتنی پادگانی ژاندارمری سنه‌ به‌ ده‌ستی خه‌لكی شۆرشگیر و به‌شداری به‌رچاوی له‌ ری پیوانی میژوویی سنه‌- مه‌ریوان، په‌یوه‌ندی هه‌لسووراوانه‌ی له‌ گه‌ل جه‌معییه‌تی دیفاع له‌ ئازادی و ئینقلاب له‌ شاری سنه‌ و بلاو كردنه‌وه‌ی نه‌شرییاتی ئه‌م جه‌معییه‌ته‌ ته‌نیا چه‌ند گوشه‌یه‌ك له‌ هه‌لسوورانی ئه و ئازیزه ن. دوای هیرشی ج.ا بۆ سه‌ر كوردستان له‌ ٢٨ی موردادی ٥٨، و فه زایه کی پر له‌ خه‌فه‌قان و كوشت و بركه ج.ا وه‌ریی خستبوو، كاك ئه‌رسه‌لان به‌ فیداكاری یه‌كی زوره‌وه‌ هه‌لسوورانی خوی دریژه‌ پیدا و له‌ گه‌ل چه‌ند هاوریی، هه‌سته‌یه‌كیان پیك هینا و له‌ په‌یوه‌ند له‌ گه‌ل كومه‌له‌ و له‌ ژیر چاوه‌دیری كاك شوان دا ده‌ستیان دایه‌ كاری وشیاری ده‌رانه‌.

پاییزی سالی ٥٨ و كاتیك كه‌ شاره‌كانی كوردستان بو جاریكی دیكه‌ كه‌وتنه‌وه‌ ده‌ست پیشمه‌رگه‌ و خه‌لكی شورشگیر، هاوری ئه‌رسه‌لان هه‌لسوورانی خوی له‌ به‌شه‌كانی تری وه‌ك كار له‌ كتیبخانه‌كان، به‌شداری له‌ پیك هینانی شوورای گه‌ره‌كه‌كان، دریژه‌ پیدا. هه‌ر له‌م ده‌ورانه‌دا كۆمه‌له‌ ده‌ستی دایه‌ خه‌باتیكی لیبراوانه‌ به‌ دژی ئیعتیاد و موادی موخه‌دیر له‌ شاری سنه‌ كه‌ هاوری ئه‌رسه‌لان كرایه‌ به‌ر پرسی ئه‌م كاره‌. جیددی بوون و به‌ رخووردی سه‌میمانه‌ وئینسانی و به‌رپرسانه ی ئه‌و له‌ گه‌ل كه‌سانی موعتاد وگیروده‌ به‌ مه‌وادی موخه‌دیر، به‌شیكی به‌رچاو له‌و كه‌سانه‌ی به‌ره‌و ئه‌وه‌ هان دا كه‌ ده‌ست له‌م كاره‌ هه‌لبگرن كه‌ دواتر ژماره‌یه‌ك هه‌ر له‌م كه‌سانه‌ هاتنه‌ ریزه‌كانی كومه‌له‌ و بوونه‌ باشترین ولیهاتووترین هاورییانی ئیمه‌ كه‌ سه‌ره‌نجام له‌ ریگایه‌كی پیروز دا گیانیان فیدا كرد.

 هاوری ئه‌رسه‌لان هه‌ر له‌و ده‌ورانه‌دا له‌ مانگرتنی ٢٩ رۆژه‌ی خه‌لكی شۆرشگیری شاری سنه‌دا به‌ مه‌به‌ستی وه‌ده‌رنانی هیزه‌كانی رژیم له‌وشاره‌ به‌شداری كرد و ده‌وری به‌رچاوی گێرا.  به‌شداری كردن له‌ شه‌ری ٢٤ رۆژه‌ی شاری سنه‌ له‌ سالی ٥٩ دا  مه‌یدانیكی تری تیكوشانی ئه‌م هاوریه ‌بوو وه‌ هه‌ر له‌و سه‌ره‌ و به‌نده‌دا هاته‌ ریزی هیزی پیشمه‌رگه‌ی كۆمه‌ڵه‌.

هاوری ئه‌رسه‌لان له‌ ریزی پیمشه‌رگه‌ی كۆمه‌ڵه‌دا له‌ به‌شه‌ جوراوجوره‌كاندا وله‌ ناوچه‌كانی كامیاران، دیوانده‌ره‌ و سنه‌دا كار وهه‌لسوورانی ده‌س پیكرد. دواتریش زوركاری تر و له‌وانه‌ كار له‌ ئامووزشگای پیشمه‌رگایه‌تی و ئه‌ستو گرت و دلسوزانه‌ و لیبراوانه‌ هه‌لسوورا. ئه‌رسه‌لان له‌ دریژه‌ی هه‌لسوورانی شورشگیرانه‌ی دا و له‌ ژیانی پیشمه‌رگانه‌ی دا و له‌ عه‌رسه‌ی خه‌باتی چه‌كداری دا دژی هیزه‌ سه‌ركوتگه‌ره‌كانی رژیم وه‌ك كادریكی كۆمۆنیست و به‌ توانا بوو وه‌ سیمای خوشه‌ویست و جیگای باوه‌ری ئه‌و له‌ نیو هاوسه‌نگه‌رانیدا به‌ راستی جیی ده‌رس لی وه‌رگرتن بوون.

هاوری ئه‌رسه‌لان له‌ دریژه‌ی كار و هه‌لسوورانی كۆمۆنیستی دا، سالی ٦٣ كرایه‌ ئه‌ندامی حیزبی كۆمۆنیستی ئێران و ئه‌م جاره‌ وه‌ك كادریك و ئه‌ندامیكی به‌ توانای كاری وشیاری ده‌رانه‌ی دریژه‌ پیدا.

گیان به‌خت كردنی هاوری ئه‌رسه‌لان سه‌عاده‌تمه‌ند له‌ جه‌ریانی شه‌ریكی سه‌خت و نابه‌رابه‌ردا رۆژی ٢٧ی ره‌شه‌مه‌ی سالی ٦٦ له‌ دژی هیزه‌كانی ج.ا له‌ ناوچه‌ی هه‌له‌بجه‌ بوه‌ هوی خه‌میكی قورس و گران له‌ نیو زه‌حمه‌تكیشانیك دا كه‌ ده‌یانناسی و بو ئیمه‌ هاوسه‌نگه‌رانیشی خه‌ساریكی گه‌وره‌ بوو كه‌ هیچ كات له‌ بیر ناچی.

یادی بۆ هه‌میشه‌ له‌ دلماندایه و له‌ گه‌ل یادی بۆ پیشه‌وه ده‌چین.