به‌ریز بێ یاید ئازیزی هاوری تۆفیقی فاتحی ناسراو به‌ ره‌زا ئه‌ندامی حیزبی كۆمۆنیستی ئێران و پێشمه‌رگه‌ی شۆرشگیری كۆمه‌ڵه‌!

سالی ١٣٤٢ له‌ نیۆ خانه‌واده‌یه‌كی ده‌ست كورتی شاری سنه‌دا هاورێ تۆفیق فاتحی ناسراو به‌ ره‌زا له‌ دایك بوو. چاره نووسی ئه‌ویش وه‌ك چاره‌نووسی نه‌خوازراوی هه‌زاران مندالی هاوچینی كه‌وته‌ ژیر باری كار و به‌ تایبه‌ت له‌و ده‌ورانه‌دا كه‌ تازه‌ پێ ده‌گه‌یشت، هات و چۆی شاره‌كانی ده‌ره‌وه‌ی كوردستانی ده‌كرد و به‌ ده‌ست فرۆشی و كریكاری له‌ په‌یدا كردنی بژیو بۆ خانه‌واده‌یاندا یارمه‌تی ده‌ر بوو.

ئه‌و په‌روه‌رده‌ی ناو ئه‌و كۆمه‌ڵه‌ پر له‌ سته‌مه‌ بوو، بۆیه‌ش ئه‌و كاته‌ی تیشكی شۆرشی كۆمه‌ڵانی كریكار له‌ سالی ١٣٥٧ دا، دای له ‌شه‌وه‌زه‌نگی ده‌سه‌لاتی نه‌گبه‌تی رژیمی شا، ئه‌ویش تیكه‌لاوی‌ ئه‌و موبارزاته‌ بوو. ئه‌و شۆرشه‌ و پاشان فه‌زای سیاسی و دیموكراتیكی كوردستان هاورێ توفیقی زیاتر له‌ گه‌ل مه‌سایلی خه‌باتكارانه‌ و به‌رژه‌وه‌ندی چه‌وساوه‌كان ئاشنا كرد و به‌ عه‌لاقه‌ و شه‌قه‌وه‌ له‌ خه‌باتی دژی رژیمی ج.ا دا به‌شدار كرد. بۆ نموونه‌ له‌ جه‌ره‌یانی شه‌ری ٢٤ رۆژه‌ی خه‌لكی شاری سنه‌ و بردنه‌ پێشی ئه‌ركه‌كانی بنكه‌، له‌ گه‌ره‌كانی سیروس و پیرمه‌حه‌مه‌د، وه‌ك هه لسووراویکی دلسوزی كۆمه‌ڵه‌ هه‌لسوراوانه‌به‌شداری كرد.

ئه‌و ئیتر ریبازی خۆی ناسی بوو وه‌ خۆشی ببوو به‌ ریپوارێكی ئه‌م رێگایه‌. بۆیه‌ ئه‌و كات كه‌ رژیمی ج.ا شاری سنه‌ ی داگیر كرد به‌به‌ر چاو روونیه‌وه‌ دریژه‌ی به‌م خه‌باته‌ شۆرشگیرانه‌ی دا و له‌ گه‌ل چه‌ند هاورییه‌كی تری له‌ گه‌ره‌كی خۆیان كۆرێكیان پیك هینا و ده‌ستیان به‌ هه‌لسورانیكی زیاتر كرد، هات و چۆی كریكارانیان ده‌كرد، له‌ سه‌ر مه‌سایلی سیاسی و گیر و گرفته‌كانیان قسه‌یان له‌ گه‌ل ده‌كردن، تراكت و ئیعلامیه‌ و نه‌شرییه‌یان بلاو ده‌كرده‌وه‌.

سالی ١٣٦٢ عاملینی ج.ا به‌و هه‌لسوورانه‌ی هاورێ ره‌زایان زانی و وه‌ شوینی كه‌وتن كه‌ بی گرن. به‌ڵام هاوری ره‌زا زووتر له‌وان شاری به‌ جێ هیشت و رووی كرده‌ پێشمه‌رگایه‌تی و پاش ته‌واو كردنی سه‌ركه‌وتوانه‌ی ده‌وره‌ی ئاموزشی سیاسی- نیزامی له‌ گوردانی شواندا سازمان درا.

 له‌ فه‌عالیه‌ته‌كانی ساله‌كانی ١٣٦٤ و ٦٥ و ٦٦ی هاورییانی تیپی ١١ ی سنه‌ به‌ تایبه‌ت چه‌م شار و ساراڵ وه‌ك پیشمه‌رگه‌ی ئازا و فیداكار به‌شداری كرد.

هاوری تۆفیقی فاتحی كه‌ خۆی تامی تالی نابه‌رابه‌ری و سته‌می ئه‌م كۆمه‌لگایه‌ی چیشت بوو كاتیك له‌ نیۆ خه‌لكی زه‌حمه‌تكیش دا قسه‌و باسی ده‌كرد به‌ شیوه‌یه‌كی به‌رچاو هه‌ر له‌ رووی ژیانی خۆیانه‌وه‌ و ته‌جره‌به‌ی ئه‌م چه‌ند ساله‌ی شۆرشی كوردستان، بۆ خه‌باتی بێ وچان له‌ دژی ده‌سه‌لاتی ج.ا و سه‌رمایه‌داران و دامه‌زراندنی حكوومه‌تی كارگری هانی ده‌دان و دلسۆزانه‌ له‌ گه‌لیان ده‌دوا.

 له‌ به‌ ئه‌نجام گه‌یاندنی ئه‌ركی پیشمه‌رگانه‌ی دا، له‌ دلسوزی و ماندوویی نه‌ناسی، له‌ سه‌میمیه‌ت و به‌ خه‌م بوون بۆ هاوسه‌نگه‌رانی، له‌ بردنه‌ سه‌ری راده‌ی وشیاری سیاسی خۆی و زۆركاری تریش هه‌ر به‌م جۆره‌ تیده‌كۆشا و خۆی ماندوو ده‌كرد، بۆیه‌ش له‌ دریژه‌ی ئه‌م كار و هه‌لسوورانه‌ی دا سالی ١٣٦٥ بوو به‌ ئه‌ندامی حیزبی كۆمۆنیستی ئێران و زیاتر بۆ بردنه‌ پێشی كاره‌كان به‌رپرسایه‌تی له‌ خۆ نیشان ده‌دا. هه‌ر وه‌ها كاری ته‌داروكاتی په‌ل و گوردان و ته‌سلیحاتی پێ سپیردرا، كه‌ به‌ جیدیه‌ت و دلسۆزی یه‌وه‌ به‌ ئه‌نجامی ده‌گه‌یاندن.

رۆژی ٢٧ ره‌شه‌مه‌ سالی ١٣٦٦ له‌مه‌نته‌قه‌ی حه‌له‌بجه‌ كاتیك چه‌ند واحید له‌ هاورییانمان ده‌یان ویست خۆ له‌ جه‌رگه‌ی شه‌ری ئێران و عیراق دوور كه‌نه‌وه‌، له‌ نزیك چۆمی سیروان تووشی شه‌ریكی سه‌خت له‌ گه‌ل جه‌نایه‌تكارانی ج.ا بوون و دوای مه‌سموم بوون به‌ كیمابارانی شاری حه‌له‌بجه‌ و ده‌وره‌به‌ری هاوری تۆفیقی فاتحی ناسراو به‌ ره‌زا یه‌كیك له‌و ئازیزانه‌مان بوو كه‌ له‌و شه‌ره‌دا گیانی به‌خت كرد.

به‌ دریژه‌ی رێگایی پیروزی و به‌ خه‌باتی شۆرشگیرانه‌مان له‌ دژی ده‌سه‌ڵاتی داگیركه‌رانه و چه‌وسینه‌رانه ی ج.ا ریز له‌ یادی ئازیزی هاوری توفیقی فاتحی ناسراو به‌ ره‌زا ده‌گرین.