به‌ریز بێ یادی ئازیزی هاورێ بیهزادی فه‌ده‌وی پیشمه‌رگه‌ی شورشگیری كۆمه‌ڵه‌ و ئه‌ندامی چالاكی حیزبی كۆمۆنیستی ئێران!

هاورێ بیهزاد سالی ١٣٤٢ له‌ شاری سنه‌ له‌ دایك بووە ، ‌ تا كلاسی دووی نه‌زه‌ری ده‌رسی خۆیندوە. ده‌ورانی گه‌نجی و لاوی هاوكات بوو له‌ گه‌ل كه‌وتنه‌ رێی شه‌پۆلی هێزی خرۆشاوی كۆمه‌لانی بێ به‌ش و چه‌وساوه‌ له‌ دژی رژیمی شا. ئه‌م وه‌زعیه‌ته‌، هاورێ بیهزادیشی كیشایه‌ نێو ئه‌م خه‌باته‌ و تیكه‌ڵاوی ئه‌م ئاخێزه‌ پان و به‌رینه‌ جه‌ماوه‌ری یه‌ی كرد و له‌ خۆپیشاندان و موبارزاتی ئه‌و سه‌رده‌مە دا به‌شداری كرد.

پاش سه‌ركه‌وتنی شۆرشی سالی ١٣٥٧ له‌ گه‌ڵ خه‌ڵكی راپه‌ریوی شاری سنه‌ بۆ به‌رێوه‌ بردنی كار و باری گه‌ره‌كه‌كانی شار هه‌ولی زۆریداو له‌ بنكه‌ی گه‌ره‌كی خۆیان ده‌وری شۆرشگیرانه‌ی گێرا و وێرای ده‌یان هه‌زار ئینسانی ئازادیخواز و شۆرشگیر تیكه‌لاوی خه‌بات و موبارزاتی ئه‌و ده‌ورانه‌ و به‌ تایبه‌ت پاش هاتنه‌ سه‌ركاری ج.ا بوو.

 هه‌میشه‌ له‌ خه‌باتی خۆیندكارانی شاری سنە و له‌ جوڵانه‌وه‌ ئیعترازییه‌كانی خه‌ڵكی شار له‌ دژی ده‌سه‌ڵاتی سه‌ر كوتگه‌رانه‌ی ج.ا به‌شداری ده‌كرد و به‌ وره‌یه‌كی شۆرشگیرانه‌وه‌ له‌ بڵاو كردنه‌وه‌ی ئیعلامیه‌ و تراكت و ته‌بلیغاتی سیاسی ئه‌و سه‌رده‌مه‌دا بێ وچان هه‌ولی ده‌دا. به‌ تایبه‌ت له‌و ده‌ورانه‌دا به‌ هۆی كار و فه‌عالیه‌تی دوو برای كۆمۆنیست و شۆرشگیری، له‌ گه‌ڵ بیرو باوه‌رو ئامانجه‌ كومونیسته‌كانی كۆمه‌له‌ زیاتر ئاشنایی په‌یدا كرد و خه‌باتی خۆی به‌م رێبازه‌ وه‌ گرێ دا.

هاورێ بیهزاد ئه‌و كات جاریك هات بۆ پیشمه‌رگایه‌تی، به‌لام به‌ هۆی ته‌مه‌نی كه‌مێه‌وه‌ وه‌رنه‌گیراو بۆ دریژه‌ی هەڵسورانی سیاسی ، ره‌وانه‌ی شاری تاران كراو، له‌وێ په‌یوه‌ندی له‌ گه‌ل ته‌شكیلات گرته‌وه‌ و ده‌ستی دایه‌وه‌ به‌ هه‌ڵسوورانی شۆرشگیرانه‌.

له‌ ساله‌كانی ١٣٦٠ و ٦١ دا گه‌رایه‌وه‌ شاری سنه‌، كه‌ له‌ لایه‌ن هێزه‌كانی رژیمه‌وه‌ ده‌ستگیر كراو پاش ماوه‌یه‌ك ئازاد کرا . ئه‌و ڕق و بیزاری یه‌ی ده‌رحه‌ق به‌ ده‌سه‌ڵاتی سه‌ركوتگه‌ران و داگیركه‌ران بووی، هانی دا كه‌ بۆ دریژه‌ی فه‌عالیه‌تی شۆرشگێرانەی بە ریزی پێشمەگە‌كانی كۆمه‌ڵه‌ پەیوەست بێت و ئه‌مجار له‌م سه‌نگه‌ردا به‌ ته‌وژمی زۆرتره‌وه‌ به‌ گژ چه‌وسینه‌ران و ده‌سه‌ڵاتدارانی رژیمی دژی به‌ شه‌ری دا چووه وه.

هاوری بیهزاد له‌ ماوه‌ی چه‌ند سال پێشمه‌رگایه‌تیدا، له‌ سه‌نگه‌ری پێشره‌وانی وشیار و چه‌ك له‌ شانی كریكاران و زه‌حمه‌تكیشان، تین و توانای خۆی زیاتر له‌م ریبازه‌ دا خستبووه‌ گه‌ر و وه‌ك پێشمه‌رگه‌یه‌كی شۆرشگیری كۆمه‌ڵه‌ بۆ بردنه‌ پێشی ئه‌رك و كاری ته‌شكیلاتی تێده‌كۆشا و له‌ دریژه‌ی ئه‌م هه‌لسوورانه‌ی دا دوای ماوه‌یه‌ك بوو به‌ ئه‌ندامی حیزبی كۆمۆنیستی ئێران.  

له‌كاروباری ته‌داروكاتی ،  كاری ئیرتباتات و هه‌ركارێكی دیکە کە له‌و ماوه‌یه‌دا پێی سپیردرا بوو، به‌ فیداكاری وشوور وشه‌وقی شۆرشگیرانه‌وه‌  تیده‌كوشا و هه‌ولی ئه‌وه‌ بوو ئه‌ركی خۆ ی به‌ باشی به‌ جێ بگه‌ێنێ. هه‌روه‌ها له‌ په‌یوه‌ند و نزیكایه‌تی له‌ گه‌ل ده‌وروبه‌ری غافل نه‌ ده‌بوو، وه‌ جیگایی خۆی له‌ نێو دلی هاوسه‌نگه‌رانی دا كردبووه‌ و خۆشیان ده‌ویست.

به‌ داخه‌وه‌ ئه‌م ئازیزه‌مان رۆژی ١٢ی خاكه‌لێوه‌ی سالی ١٣٦٧ له‌ جه‌ریانی هێرشی هه‌وایی رژیمی جه‌نایه‌تكاری ج.ا بۆ سه‌ر مه‌قه‌رێكی كۆمه‌له‌، كه‌وته‌ به‌ر پرشیكی راكێت و گیانی به‌خت كرد.