به‌رێز بێ یادی پێشمه‌رگه‌ی دڵسوزی كۆمه‌ڵه‌ هاورێ فریشته‌ی ره‌زایی ناسراو به‌ زۆهره‌

 هاورێ زۆهره‌ ژنیكی خه‌باكار بوو كه‌ له‌ شاری سنه‌ و ساڵی ١٣٤١ له‌ دایك بوو و هه ر‌ له‌م شاره‌ چووه‌ته‌ مه‌دره‌سه‌ و دیپلۆمی وه‌رگرتووه‌ و له‌ گه‌ڵ راپه‌رینی ساڵی ٥٧ی جه‌ماوه‌ری زه‌حمه‌تكیش پێ نایه‌ مه‌یدانی خه‌باتی سیاسی وه‌ ریزی خۆپیشاندان و ناره‌زایه‌تی جه‌ماوه‌ری له‌ دژی رژیمی شا که یه‌كه‌مین مه‌ره‌سه‌ شورشی لاوانێكی  پڕ شوور و شه‌وق وه‌كوو زۆهره‌ بوو.

ساڵه‌كانی ٥٩-٥٨ زۆهره‌ ده‌چیته‌ ناو شوورای ژنانی خه‌باتكاری شاری  سنه‌، مه‌یدانێك له‌ خه‌بات كه‌ له‌و دا هه‌ڵسووراوانه‌ تێده‌كۆشێ و هه‌ر له‌م سه‌رده‌مه‌دا له‌ گه‌ڵ ماركسیسم ئاشنا ده‌بێ و په‌یوه‌ندی به‌ رێكخراوی په‌یكار ده‌گرێ و به‌ شێوه‌یه‌كی سازماندراو خه‌باتی خۆی له‌ دژی رژیمی ج.ا له‌م رێكخراوه‌ دا به‌ره‌وپێش ده‌با،. له‌ كۆر و كۆمه‌ڵه‌ موتاله‌عاتی یه‌كان به‌شداری ده‌كات و به‌ جیساره‌تی كۆمۆنیستی له‌ ده‌ورانی تۆند وتیژی و خه‌فه‌قانی پۆلیسی و سه‌كۆتی ساڵی ٦٠ بێ وچان هه‌ڵسوورانی خۆی به‌ره‌وپێش ده‌با، هه‌ر له‌م ساڵه‌دا عاملینی رژیمی ج.ا ده‌یگرن و بۆ ماوه‌ی ١٠ مانگ له‌ زیندانه‌كانی رژیم به‌ سه‌ر ده‌با. زیندان بۆ زۆهره‌ مه‌یدانێكی دیكه‌ بوو له‌ خه‌بات، له‌ و ماوه‌یه‌ كه‌ له‌ زیندان بوو ئه‌شكه‌نجه‌ گه‌رانی رژیم نه‌یانتوانی هیچ قسه‌یه‌كی له‌ سه‌ر لێوی بێنه‌ ده‌رێ و به‌ خۆراگری و راوه‌ستاوی یه‌وه‌ له‌ به‌رانبه‌ر جه‌لادانی ج.ا راوه‌ستا. ساڵی ٦١ كه‌ زۆهره‌ له‌ زیندان ئازاد بوو‌ خه‌باتكاراێكی كۆمۆنیست و پڕشووره‌ که له‌ گه‌ڵ ده‌سپێكردنی كێشه‌ی ناوخۆیی سازمان په‌یكار هاته‌ ریزی كۆمه‌ڵه‌وه‌.

به‌ دوای ماوه‌یه‌كی كۆرت وه‌كوو موعه‌لیم له‌ ئاوایی یه‌كانی ده‌وروبه‌ری بۆكان زانست و ئاگاهی شۆرشگیرانه‌ی ده‌برده‌ نێو منداڵانی زه‌حمه‌تكیشان، شوغلی مۆعه‌لیمی بۆ زۆهره‌ كه‌ ئێستا ئیتر خه‌باتكاریكی چه‌كداره‌ مه‌یدانێكه‌ بۆ په‌یوه‌ند له‌ گه‌ڵ زه‌حمه‌تكیشان و ئاشنا بوون به‌ گیروگرفته‌كانیان.

زۆهره‌ له‌ یه‌كه‌مین ده‌سته‌ له‌ ژنانی پێشمه‌رگه‌ی كۆمه‌ڵه‌ بوو كه‌ به‌ جیساره‌ت، فیداكاری ولێ هاتوویی یه‌وه‌ له‌ كومه‌لگایه‌كی پیاوسالار مۆژده‌ده‌ری به‌ دی هاتنی ئامانجه‌كانی كۆمه‌ڵه‌ و حیزبی كۆمۆنیستی ئێران له‌ به‌رابه‌ری ژن و پیاو  دا بوو.

به‌ سازماندهی له‌ هێزی‌ شورش، له‌ شه‌ره‌كان دژی رژیمی ج.ا له‌وانه‌ له‌ عه‌مه‌لیاتی كه‌مین گوزاری "ناو تاقی گاران" جاده‌ی مه‌ریوان_سنه‌ و له‌ عه‌مه‌لیاتی به‌ره‌ورووبوونه‌وه‌ له‌ گه‌ل هێرشی رژیم بۆ سه‌ر ئاوایی یه‌كانی سه‌رشێوه‌ی مه‌ریوان جه‌سوورانه‌ به‌شداری كرد. له‌ ریزی پیشمه‌رگه‌كانی گوردانی چیا ش له‌ شه‌ره‌كانی پیشمه‌رگه‌كانی كۆمه‌ڵه‌ له‌ ناوچه‌كانی سه‌رشیوی سه‌قز، بانه‌، خۆرخۆره‌، تیله‌كو، هه‌وه‌تو و قه‌ره‌ته‌وه‌ره‌، فیزالله‌ به‌گی بوكان و سه‌قز و به‌شێك له‌ ناوچه‌ی تكاب و شاهیندژیش به‌شداری ده‌كا.

هاورێ زۆهره‌ ده‌وره‌ی ئاخری هه‌ڵسوورانی خۆی تا كاتی گیانبه‌خت كردنه‌كه‌ی له‌ ئوردوگا مه‌ركه‌زی یه‌كانی كۆمه‌ڵه‌ و له‌ به‌شی بلاوكردنه‌وه‌ی رادیویی كاری ده‌كرد، وه‌ له‌ ته‌واوی ئه‌م مه‌یدانانه‌ به‌شوور وشه‌وقێكی زۆره‌وه‌ هه‌وڵی ده‌دا،

سه‌رئه‌نجام هاورێ فرشته‌ی ڕه‌زایی ناسراو به‌ زۆهره‌ی خۆشه‌ویست دوای ١٠ ساڵ هه‌ول و تیكوشان خه‌باتكارانه‌ و كۆمۆنیستی به‌ داخه‌وه‌ له‌ ئێواره‌ دڵته‌زینه‌كه‌ی ٢٥ گولانی ساڵی ١٣٦٧ دا ویرای كومه‌لیكی دیكه‌ له‌ هاورێیانی كه‌وتنه‌ به‌ر هیرش كیمیایی فروكه‌كانی رژیمی جنایه‌تكاری به‌عسی عیراق و گیانی ئازیز وخۆشه‌ویستی به‌ختكرد.

یادی به‌رو ریگای پڕ ریبوار بێت.