یادی هاورێ خالید تازه‌ كوچكی ناسراو به‌ خالید سلیمانكه‌ندی به رز و به ريزه

هاورێ خالید تازه‌ كوچكی ناسراو به‌ خالید سلیمانكه‌ندی له‌ نێو خه‌لكی زه‌حمه‌تكیشی مه‌نته‌قه‌ی سقز و له‌ نێو هاورێ یانی گوردانی ٢٦ی سه‌قزدا وه‌بیر هێنه‌ره‌وه‌ی هەو‌ل و تێكۆشانی یار و یاوه‌رێكی كۆلنه‌ده‌ر و ماندویی نه‌ناس و كریكاریكی كومونیسته‌ كه‌ به‌ بڕوایه‌كی قورس و قایمه‌وه‌ بۆ نابودی نیزامی سه‌رمایه‌داری و دامه‌زراندنی حكومه‌تی كرێکاران ده‌ستی دا بووە خەبات وتێکۆشان و گیانیشی هه‌ر له‌و رێ یه‌دا به‌ختكرد.

هاورێ خالید سالی  ١٣٤٤ له‌ كۆشی خانه‌واده‌یه‌كی ده‌س ته‌نگ له‌ ئاوایی سلیمانكندی فیزالله‌به‌گی سه‌قز له‌ دایك بووە . نه‌داری و ده‌سكورتی له‌ سه‌ره‌تای ژیانیه‌وه‌ هاوده‌می بون بۆیه‌ش به‌ زه‌حمه‌ت چه‌ند كلاس ده‌رسی خویند و ئیتر ئه‌ویش سه‌ره‌رای ته‌مه‌نی كه‌می وه‌ك نان ئاوه‌رێكی بنەماڵەکەیان دەستی دایە کار کردن.

له‌ گه‌ل باوكی له‌ سه‌ر كورته‌ زه‌مینیك كه‌ بویان كاری ده‌كرد پاشانیش له‌ گه ل‌ باوكی بۆ كرێكاری ره‌وانه‌ شاره‌كانی تری ئیران بوون و ده‌ستیان به‌ كار كرد بۆ ئه‌وه‌ی ژیانیکی فەقێرانە بۆ خۆیان دانین بكه‌ن.

هاوری خالید له‌م تیكه‌لاویه‌ی له‌ گه‌ل كۆمه‌لانی كریكار له‌ گه‌ل نه‌خش و دەوری گرنگی كریكاران له‌ نێو کۆمەڵگا ‌ بۆ بەرهەمهینانی هه‌مو پیداویستیەکانی  ژیانی ئینسانه‌كان ئاشنا بوو ، كه‌ ئه‌مه‌ ته‌ئسیری زۆری كرده‌ سه‌ری بۆ ئه‌وه‌ی گه‌رای بیروباوه‌ری رزگاریده‌رانه‌ی كومونیستی له‌ ده‌رونیدا په‌روه‌رده‌ بێت.

سه‌رده‌می قیامی ساڵی ٥٧ ، چ له‌ ته‌زاهوراتی خه‌ڵكی شار، وه‌ چ موبارزه‌ی زه‌حمه‌تكیشانی ئاواییه‌كان بۆ موسادره‌ی زه‌وی ئاغا و گه‌وره‌ مالیكان وێرای باقی هاوچاره‌نوسانی به‌شداری كرد و به‌ هیوای رزگار بون له‌ و وه‌زعه‌ ناله‌ باره‌ تیكه‌ڵاوی خه‌باتی سیاسی ئه‌و كاته‌ بوو.

كاتیك كۆمه‌ڵه‌ ده‌ستی به‌ فه‌عالیه‌تی ئاشكرا كرد هاوری خالید ئامانج و بەرژەوەندی چینایەتی خۆی له‌م سازمانه‌ سیاسیه‌دا به‌دی كرد و ئه‌و جار وه‌ك هەڵسوراوێکی تێكۆشه‌ر ده‌ستی به‌ فه‌عالیه‌ت كرد.

هاورێ خالید سلیمانكندی سالی ٥٩ بوو به‌ پ.م و له‌ ته‌شكیلاتی ناوچه‌ی سه‌قز وه‌ك پ.م سازمان درا.

له‌ ده‌ورانی پیشمه‌رگایه‌تی له‌ زۆر مه‌نته‌قه‌ وه‌ك به‌شه‌كانی سه‌قز، بوكان، دیوانده‌ره‌، بانه‌ و سه‌رده‌شت چ وه‌ك مه‌ئموریه‌ت و چ پ.م یه‌ كی ئه‌م مه‌نته‌قانه‌ به‌شداری فه‌عالییه‌تی كمونیستی كرد. ئه‌و كه‌ خۆی له‌ ژیانی دا زۆر مه‌ینه‌تی چێشتبوو و احساسی هاوده‌ردی و هاو ده‌نگی قووڵی له‌ گه‌ل هاوچاره‌نوسانی ده‌كرد. له‌ هه‌ر مه‌نته‌قه‌یه‌ك بوایه‌ ده‌بو به‌ دۆست و ره‌فیقی كریكاران و به‌رویی خۆش و گه‌رمیه‌وه‌ له‌ پای ده‌ردی دڵ و موشكلاتیان داده‌نیشت و سه‌میمانه‌ یارمه‌تی ده‌دان. بیجگه‌ له‌وەش له‌ ته‌بلیغی ماڵ به‌ ماڵ و به‌ زمانی شیرین و له‌ به‌ر دڵان غافل نه‌ده‌بوو و بۆی تیده‌كۆشا. ئه‌و تیكه‌لاویه‌ گه‌رم و نزیكه‌ كردبووی به‌ رۆڵه‌یه‌كی ئازیزی زه‌حمه‌تكیشانی مه‌نته‌قه‌.

هاورێ خالید له‌ مه‌یدانی شه‌ری چه‌كدارانه‌شدا هاورێیه‌كی نه‌ترس و جه‌سوور بوو. به‌ بڕوای پته‌وی به‌ رزگاری ، وه‌ك كرێكاریكی وشیار و كمونیست به‌ گژ دوژمنانی دا ده‌چووه‌. به‌ هۆی ئه‌م جه‌ساره‌ته‌ی و نیشان دانی كارزانی و لێهاتویی له‌م مه‌یدانه‌دا ببو به‌ ره‌فیقیكی جێ متمانه‌ كه‌ پشتی بي ده‌به‌سترا. سالی ٦٤ بوو به‌ ئه‌ندامی ح.ك.ا و هه‌روه‌ها فه‌رماندهی ده‌سته‌یه‌ك له‌ هاورێ یانی پێشمه‌رگه‌ی پێ سپیردرا. جگه‌ له‌مانه‌ش دواتر ئه‌ركی مه‌سئولی ته‌سلیحاتی ناوچه‌ی سەقز و كار له‌ گه‌ڵ ده‌سته‌ی سازمانده‌دا كه‌وته‌ سه‌رشان كه‌ هه‌مویانی به‌ احساس مسئولیت و جیدیه‌ته‌وه‌ به‌ جێ ده‌گه‌یاند  .

هاورێ خالید تازه‌ كوچكی رۆژی ٩ی مانگی گەلاویژی ساڵی ٦٦ له‌ جه‌ریانی مه‌ئموریه‌تیكدا ،‌ واحیده‌كه‌یان كه‌وته‌ به‌ر په‌لاماری هیزه‌كانی ج.ا به‌ برینداری كه‌وته‌ ده‌س رژیم و زیندانی كرا. سه‌ره‌نجام حاكمانی کۆنەپەرەستی کۆماری ئیسلامی له‌ به‌هاری سالی ٦٨ دا به‌وپه‌ری دلڕه‌قی و قه‌ساوه‌ته‌وه‌ اعدامیان كرد وگیانی لە پێناو ئامانجە بەرزەکانی بەخت کرد .

یادی هاورێ خالید تازه‌كوچكی به‌ریزه‌ و رێگای به‌رده‌وامه‌